Աթաթուրքին «Անգլիայի լրտես» անվանած ուսուցչին մեղադրանք է առաջադրվել

Իրավական07:41, 22 Մարտ 2019

Աթաթուրքին «Անգլիայի լրտես» անվանած ուսուցչին մեղադրանք է առաջադրվել

Թուրքիայում դպրոցի ուսուցիչի դեմ քրեական գործ է հարուցվել: Նա մեղադրվում է Թուրքիայի Հանրապետության հիմնադիր Մուստաֆա Քեմալ Աթաթուրքի անձը վիրավորելու մեջ:

Նշվում է, որ միջնակարգ դպրոցում աշխատող ուսուցիչը ուսուցչանոցում Աթաթուրքի հասցեին հետևյալ արտահայտությունն է արել.

«Աթաթուրքն աթեիստ է, Անգլիայի լրտես: Հայրը հայտնի է, թե ով է, սակայն հայտնի չէ, թե ով է նրա պապը: Աթաթուրքը թուրք բնակչությանը, որպեսզի կարողանա Սալոնիկից տեղափոխել Թուրքիա, կղզիները տվել է Հունաստանին: Նրա մասին օրենքը, երբ դուրս գա, կտեսնեք, թե ով է եղել նա»:

Ուսուցիչներից մեկը, լսելով այդ խոսքերը, բողոքել է ազգային կրթության վարչությանը և դիմել դատախազություն:

Հարցաքննության ժամանակ, սակայն, մեղադրվող ուսուցիչը հերքել է այդ խոսքերը և ասել, որ դրանք իրականությանը չեն համապատասխանում: Նրան տեղափոխել են այլ դպրոց:

Աղբյուր` Diken

Այս ենթաբաժնի վերջին նորությունները

15:34, 12 հուն

Թուրքիայում շուրջ 4 միլիոն երեխա է աշխատում

Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։

15:00, 05 հուն

Ստամբուլի շրջանի ընդդիմադիր 5 համայնքապետեր կալանավորվել և հեռացվել են պաշտոնից

Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։