Ռազմական13:44, 20 Մարտ 2019
Ուկրաինայում հաջողությամբ փորձարկվել են թուրքական «Bayraktar TB2» ԱԹՍ-ները
Ուկրաինայում հաջողությամբ են ավարտվել Թուրքիայից գնված Bayraktar TB2 տիպի հարվածային անօդաչու թռչող սարքերի (ԱԹՍ) փորձարկումները:
Ուկրաինայի Խմելնիցկի շրջանում գտնվող ռազմաբազայում իրականացվող փորձարկումներին ԱԹՍ-ների կառավարման կայանից հետևել է անձամբ երկրի նախագահ Պետրո Պորոշենկոն: Փորձարկման ավարտին ունեցած ելույթում Պորոշենկոն շնորհավորել է Ուկրաինայի զինված ուժերին ու ժողովրդին նոր զենք ձեռք բերելու կապակցությամբ՝ նշելով, որ դա լավ ներդրում է երկրի պաշտպանունակության բարձրացման գործում:
Նշենք, որ Թուրքիայի և Ուկրաինայի միջև կնքված պայմանագրի համաձայն՝ Թուրքիան պիտի մատակարարի 6 միավոր «Bayraktar TB2» տիպի հարվածային անօդաչուներ: ԱԹՍ-ների կոմպլեկտի մեջ մտնում են նաև 3 կառավարման կայանը և կից սարքավորումները: Ըստ շրջանառվող լուրերի՝ պայմանագրի արժեքը կազմել է 69 մլն դոլար:
Մարտի սկզբին նախագահ Պորոշենկոն հայտարարել էր թուրքական ԱԹՍ-ներն արդեն մատակարարվել են և գտնվում են փորձարկումների փուլում:
«Bayraktar ԱԹՍ-ի մարտավարատեխնիկական բնութագիրը՝
Գործողության շառավիղը - 150 կմ
Առավելագույն թռիչքային զանգվածը - 650 կգ
Օգտակար բեռնատարողությունը - 50կգ
Առավելագույն արագությունը - 222 կմ/ժ
Թռիչքի տևողությունը- մինչև 24ժ
Թևերի բացվածքը - 12 մ
Երկարությունը - 6.5 մ:
Այս ենթաբաժնի վերջին նորությունները
Նշվում է, որ փառատոնը կտևի մինչև մայիսի 4-ը։
Անկարայում կողմերը քննարկել են ռազմարդյունաբերական համագործակցության խորացման հնարավորությունները։
Հիշեցնենք, որ վերջին շրջանում Թուրքիայի և Պակիստանի ռազմական համագործակցության խորացման մասին բազմատեսակ տեղեկություններ են շրջանառվում:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |