Հոդված09:20, 20 Մարտ 2019
Էրդողանը, թերևս, ընդունել է Ալիևի հորդորը
Թուրքիայում մի անանուն քաղաքական գործիչ հետևյալ պնդումն է անում. «Ադրբեջանի նախագահ Իլհամ Ալիևը հորդորել է Էրդողանին, որ իշխող կուսակցությունը Կարսում և Իգդիրում թեկնածուներ չառաջադրի և սատարի աջակողմյան «Ազգայնական շարժում կուսակցության» (MHP) քաղաքապետների թեկնածուներին»:
Չի բացառվում, որ այս պնդումը իրատեսական է: Ինչպես գիտենք, մարտի 31-ին Թուրքիայում կայանալու են տեղական ինքնակառավարման մարմինների (ՏԻՄ) ընտրություններ: Այս առումով Ադրբեջանի իշխանությունների համար կարևոր է Թուրքիայի որոշ շրջաններում ներկայություն ունենալը և արտաքին քաղաքականության տեսանկյունից էական նշանակություն ունեցող շրջաններում նպատակահարմար անձանց ընտրվելու պարագայում շարունակել և ապահովել սերտ համագործակցությունը:
Դա, իհարկե, պայմանավորված է երկու հանգամանքով: Նախ այն, որ Իգդիրի և Կարսի բնակչության զգալի մասն ադրբեջանցիներ են, իսկ Կարսի ներկայիս քաղաքապետ Մուրթազա Քարաչանթան (2014թ. ցայսօր) ադրբեջանցի է` ընտրված MHP-ից: Նկատենք, որ Քարաչանթան թուրք-ադրբեջանական հարաբերությունները զարգացնելու համար հիմնել է «Կարսի Ադրբեջանի մշակույթի և համերաշխության միությունը» և ստանձնել միության ղեկավարի պաշտոնը:
Մի հանգամանք ևս. Ադրբեջանի համար Կարսի և Իգդիրի շրջանները ռազմավարական ու քաղաքական լուրջ նշանակություն ունեն Հայաստանին շրջափակված պահելու տեսակյունից:
MHP-ն Իգդիրի քաղաքապետի թեկնածու է առաջադրել լրագրող Իսա Յաշար Թեզելին, իսկ Կարսի քաղաքապետի թեկնածուն գործարար և մանկավարժ Չեթին Նազիքն է: Նշենք, որ Էրդողանի ղեկավարած կուսակցությունը ՏԻՄ ընտրություններում դաշինք է կազմել MHP-ի հետ և հայտնել, որ այն շրջաններում, որտեղ չի առաջադրվի AKP-ի թեկնածու, իրենք կսատարեն MHP-ի թեկնածուներին: Ուստի կարելի է ենթադրել, որ Ալիևի հորդորն Էրդողանն ընդունել է:
Այս ենթաբաժնի վերջին նորությունները
Թուրքիայի կողմից վերջին շրջանի հորատման աշխատանքները խիստ արձագանք են ստացել տարբեր երկրներից ու միջազգային կառույցներից։
Երբ 1999-ին. Էրդողանին տանում էին բանտ, վերջինս ասում էր․ “bu sarkı burada bitmez”, որը թարգմանաբար նշանակում է․ «այս երգն այստեղ չի ավարտվի»:
Ընտրությունների ընթացքում ընդդիմադիր և իշխանական ուժերը ձգտում էին քրդերից ստանալ հնարավորինս շատ քվե:
Ուղիղ խոսք
Եթե Եվրամիությունը բացեիբաց ասի՝ Թուրքիային չենք ընդունելու, մենք էլ կհանգստանանք ու կանցնենք մեր «B» և «C» պլաններին:
ամենաշատ ընթերցված
Բլոգեր Ջումա Աբբասը նշում է, որ ոճրագործները Թուրքիայի կողմից աջակցություն ստացող զինյալներն են եղել:
Իսկ ավելի վաղ իշխող կուսակցության անդամը կոչ էր արել Թուրքիայից արտաքսել բուլղարացիներին ապօրինի էմիգրանտ հայերին:
Թրամփը ստեղծված իրավիճակում մեղադրել է Բարաք Օբամայի վարչակազմին՝ նշելով, որ նրանք սխալ քայլ են արել, երբ ժամանակին Թուրքիային չեն վաճառել ամերիկյան Patriot ՀՕՊ համակարգերը։
3.500 կիլոմետր երկարությամբ խողովակաշարի կառուցման աշխատանքներում ներգրավված կլինի շուրջ 15․000 աշխատակից։
Այդ մասին հայտարարել է Ռուսաստանի փոխվարչապետ Յուրի Բորիսովը։
Օրացույց
Հարցումներ
Ո՞վ կլինի Թուրքիայի հաջորդ նախագահը
արտարժույթ
| EUR | TRY | USD |
| 549.84 | 90.05 | 485.12 |