Միջազգային08:20, 19 Մարտ 2019
Թուրքիան դատապարտել է ազգությամբ թուրք Թանըշի՝ Հոլանդիայում իրականացրած զինված հարձակումը
Հոլանդիայի Ուտրեխտ քաղաքում զինված հարձակում իրականացրած ազգությամբ թուրք Գյոքմեն Թանըշը ձերբակալվել է: Այս մասին հայտարարել է Ուտրեխտի քաղաքապետ Ժան վան Զանենը ոստիկանության ու դատախազության մամուլի պատասխանատուների հետ համատեղ մամուլի ասուլիսի ժամանակ:
Հարձակման վերաբերյալ հայտարարություն է տարածել նաև Թուրքիայի արտգործնախարարությունը:
«Խստորեն դատապարտում ենք մարտի 18-ին Հոլանդիայի Ուտրեխտ քաղաքում տեղի ունեցած հարձակումը՝ անկախ նրանից, թե ով ու ինչ պատճառով է այն իրականացրել: Այդ ահավոր հարձակման հետևանքով զոհվածների հարազատներին ցավակցություն ենք հայտնում, իսկ վիրավորներին մաղթում ենք շուտափույթ ապաքինում»:
Գյոքմեն Թանըշի՝ Թուրքիայում բնակվող հայրը ևս դատապարտել է որդու հանցավոր արարքը:
Թուրքիայի Կայսերի (պատմ.՝ Կեսարիա) քաղաքում բնակվող հայրը՝ Մեհմեթ Թանըշը, հայտնել է, որ արդեն 11 տարի է չի շփվում որդու հետ:
«Եթե նա է արել, ապա թող պատժվի»,- ասել է Թանըշը:
Հիշեցնենք, որ մարտի 18-ի առավոտյան Ուտրեխտ քաղաքի տրամվայի կանգառներից մեկի շրջակայքում տեղի ունեցած հրաձգության հետևանքով կա 3 զոհ, 5 վիրավոր: Ոստիկանությունը հաղորդել է, որ տեղի ունեցած հրաձգությունը մեծ հավանականությամբ ահաբեկչական հարձակում է եղել: Հարձակումն իրականացրած Գյոքմեն Թանըշը փախուստի էր դիմել դեպքի վայրից: Բայց կարճ ժամանակ անց իրավապահ մարմինները հայտնաբերել են նրան ու ձերբակալել:
Այս ենթաբաժնի վերջին նորությունները
Իրանի և Իսրայելի ֆոնդային բորսաներում ևս զգալի անկում է նկատվում։
Մայիսի 19-ին Թուրքիայից, Սիրիայից և Հորդանանից բաղկացած համակարգող ստորաբաժանումները սկսել են իրենց ծառայությունը Սիրիայում։
Այս շաբաթ Աթենք մեկնող Հնդկաստանի պատվիրակությունը ևս մեկ անգամ կվկայի երկու երկրների միջև քաղաքական հարաբերությունների բարձր մակարդակի մասին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի նախագահը նշել է, որ Անկարան պատրաստ է ցուցաբերել ցանկացած աջակցություն, այդ թվում՝ միջնորդություն։
Հոդվածում նշվում է, որ Թուրքիան և Ադրբեջանը ցամաքով իրար կապող միջանցքի թեման կրկին օրակարգում է։
Կողմերը քննարկել են Իսրայել-Իրան առճակատումը և շարունակվող լարվածության հնարավոր գլոբալ ու տարածաշրջանային հետևանքները։
Իրանի և Իսրայելի ֆոնդային բորսաներում ևս զգալի անկում է նկատվում։
Էրդողանը հայտնել է, որ Իսրայելի հարձակումն Իրանի վրա վտանգել է ամբողջ տարածաշրջանի անվտանգությունը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |