Հունաստանը վրդովված է Էրդողանի հայտարարություններից

Քաղաքական13:02, 19 Մարտ 2019

Հունաստանը վրդովված է Էրդողանի հայտարարություններից

Հունաստանի արտաքին գործերի նախարարությունը խստորեն դատապարտել է նախընտրական քարոզարշավի շրջանակներում Թուրքիայի նախագահ Ռեջեփ Թայիփ Էրդողանի արած հայտարարությունները։

Բանն այն է, որ Էրդողանը Իզմիրում տեղի ունեցած նախընտրական քարոզարշավի ժամանակ ասել է, թե 20-րդ դարասկզբին քեմալական շարժման ընթացքում, երբ Թուրքիայի Հանրապետության հիմնադիր և առաջին նախագահ Քեմալ Աթաթուրքի զորքերը պայքարում էին Իզմիր քաղաքի համար, «գյավուրները (անահավատները) շպրտվեցին ծով»: Գյավուրներ ասելով՝ Էրդողանը նկատի է ունեցել հույներին։

Այդ կապակցությամբ Հունաստանի արտգործնախարարությունը, դատապարտելով և անընդունելի համարելով Էրդողանի հնչեցրած այդօրինակ որակումները, նշել է, որ նմանատիպ հայտարարությունները վնաս են հասցնում թուրք-հունական հարաբերություններին։ Ըստ Հունաստանի ԱԳՆ-ի՝ այդ կերպ Թուրքիայի նախագահը պարզապես փորձում է ձայներ կորզել առաջիկա ՏԻՄ ընտրություններում «Արդարություն և զարգացում կուսակցության» (ԱԶԿ-AKP) համար:

Աղբյուր` Demokrat haber

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։