Միջազգային13:41, 15 Մարտ 2019
Չավուշօղլուն՝ Եվրամիության մասին․«Չենք կարող ընդունել երկակի ստանդարտներն ու երկերեսանիությունը»
4 տարի դադարից հետո իրականացվել է Թուրքիա-Եվրամիություն համագործակցության խորհրդի նիստը։ Նիստին մասնակցել են Թուրքիայի արտգործնախարար Մևլութ Չավուշօղլուն, ԵՄ բարձրագույն ներկայացուցիչ ՖԵդերիկա Մոգերինին, ԵՄ-ի ընդլայնման հարցերով հանձնակատար Յոհաննես Հանը։
Նիստից հետո կազմակերպված համատեղ մամուլի ասուլիսի ժամանակ Մոգերինին հայտարարել է․ «Որպես թեկնածու երկիր և կարևոր գործընկեր՝ մենք կարևորում ենք Թուրքիայի հետ մեր հարաբերությունները։ Թուրքիա-ԵՄ համագործակցությունը կարևոր է ոչ միայն փախստականների հարցի համար, այլև Սիրիայում քաղաքական լուծում գտնելու համար»։
Իսկ Թուրքիայի արտգործնախարար Մևլութ Չավուշօղլուն հայտարարել է․ «Համագործակցության խորհրդի նիստում քննարկեցինք Թուրքիայի բանակցությունների գործընթացը և անդրադարձանք առկա իրավիճակին։ Մենք շեշտեցինք, որ Թուրքիան վճռական է եվրաանդամակցության հարցում։ Թուրքիան լուրջ է վերաբերում ԵՄ-ից ստացվող քննադատություններին։ Բայց մենք չենք կարող ընդունել երկակի ստանդարտներն ու երկերեսանիությունը»։
Միևնույն ժամանակ Չավուշօղլուն ընդգծել է, որ Թուրքիային տրամադրվող ֆինանսական աջակցության կրճատումը անլուրջ մոտեցում է։ Ըստ նրա՝ դա Թուրքիային որևէ տնտեսական վնաս չի տա, սակայն կասկածի տակ է դնում ԵՄ-ի անկեղծությունը։ Չավուշօղլուն նաև նշել է, որ Թուրքիան ոչ մի դեպքում չի ընդունի Եվրոպական խորհրդարանի հաստատած որոշումը, նույնիսկ եթե այդ որոշումը խորհրդի տեսքով է։
Այս ենթաբաժնի վերջին նորությունները
Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:
Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ:
Հանդիպումը կկայանա ապրիլի 18-ին 13 երկրների խորհրդարանների նախագահների մասնակցությամբ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հրապարակվել է հոդված Հայաստանի տեխնոլոգիական ոլորտի զարգացման մասին։
Ermenihaber.am-ը զրուցել է Արցախի անկման մասին պատմող «Վիրավոր արծիվը» վավերագրության հեղինակ Դեմիր Սյոնմեզի հետ։
Հիշեցնենք, որ վերջին շրջանում Թուրքիայի և Պակիստանի ռազմական համագործակցության խորացման մասին բազմատեսակ տեղեկություններ են շրջանառվում:
Մի քանի րոպե անց մայրը նկատել է կատարվածը և դուրս է բերել նրան աղբարկղից:
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |