Ըստ Economist-ի՝ ԱՄՆ-ն պատժամիջոցներ կկիրառի Թուրքիայի դեմ

Ռազմական13:44, 15 Մարտ 2019

Ըստ Economist-ի՝ ԱՄՆ-ն պատժամիջոցներ կկիրառի Թուրքիայի դեմ

Բրիտանական «Economist» հանդեսը անդրադարձել է Թուրքիայի կոմից ռուսական «S-400» զենիթահրթիռային ՀՕՊ համակարգերի գնման թեմային:

Հանդեսը հիշեցնում է, որ այս գործարքից մտահոգ Վաշինգտոնը Անկարային մի քանի անգամ զգուշացրել էր, որ լուրջ հետևանքներ կլինեն, եթե թուրքական կողմը ի վերջո ստանա այդ համակարգերը։

Հիշեցվում է, որ այդ զգուշացումներից մեկի ժամանակ նշվել էր, որ S-400-ների գնումը կարող է խոչընդոտել ԱՄՆ-ու Թուրքիայի ռազմական համագործակցությանը, որի շրջանակներում Անկարային պետք է մատարարվեն ամերիկյան նոր սերնդի F-35 կործանիչները։

Հանդեսը հանկված է այն կարծիքին, որ եթե Թուրքիան ի վերջո ստանա այդ համակարգերն, ապա Վաշինգտոնը լուրջ պատժամիջոցներ կկիրառի Անկարայի նկատմամբ, ինչպես որ տեղի ունեցավ 2018թ.-ին։

Նախորդ տարում Վաշինգտոնը մի շարք լուրջ պատժամիջոցներ կիրառեց Թուրքիայի նկատմամբ, ինչև հետևանքով թուրքական լիրան արժեզրկվեց։ Պատժամիջոցների հիմնական պատճառն էր ամերիկացի հոգևորական Էնդրյու Բրանսոնն, ում թուրքական իշխանությունները չէին ցանկանում ազատ արձակել։

Ըստ հրապարակման՝ պատժամիջոցներից մեկը կլինի այն, որ Թուրքիան կարող է դուրս գալ F-35-ների նախագծից, չնայած, որ դրանց վերաբերյալ առկա է թուրք-ամերիկյան պայմանագիր, որով թուրքական կողմը պետք է ստանա 100 միավոր F-35:

Economist-ի կարծիքով վերջնական արդյունքում քիչ հավանական է, որ Թուրքիան կհրաժարվի S-400-ներից։ Նշվում է, որ նույն կարծիքին է նաև Թուրքիայի Մարմարա համալսարանի դասախոսներից մեկը։ Վերջինիս կարծիքով, Թուրքիայի հրաժարվելը S-400-ներից, մեծ խնդիրներ կառաջացնի Ռուսաստանի ու Թուրքիայի միջև՝ մասնավորապես Սիրիայի հարցով, հաշվի առնելով, որ սիրիական ճգնաժամի շրջանակներում երկու երկրներն այժմ ակտիվ համագործակցության մեջ են։

Հիշեցվում է նաև այն, որ նախորդ տարի Թուրքիայի նախագահը մերժեց ԱՄՆ-ի առաջարկը Patriot համակարգերի հետ կապված, որն ուղղված էր ռուս-թուրքական պայմանագիրը չեղարկելուն։

Այս ենթաբաժնի վերջին նորությունները

16:09, 26 օգոս

Թուրքիան մտադիր է դառնալ աշխարհում 5-րդ սերնդի կործանիչ արտադրող 4-րդ երկիրը

Ամերիկյան «The National Interest» ամսագիրը վերլուծություն է իրականացրել թուրքական արտադրության «KAAN» կործանիչների վերաբերյալ:

15:28, 25 օգոս

Հանդիպել են Թուրքիայի և Լիբիայի ռազմական պատվիրակությունները

Հանդիպումը կայացել է «մեկ Լիբիա, մեկ բանակ» կարգախոսի ներքո իրականացվող համատեղ աշխատանքների շրջանակներում։

16:11, 20 օգոս

Թուրքիան և Ճապոնիան մտադիր են խորացնել ռազմական համագործակցությունը

Թուրքիայի ՊՆ ղեկավարն Անկարայում հանդիպում է ունեցել իր ճապոնացի պաշտոնակցի հետ։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Թուրքիայում պահանջում են վերականգնել հայկական կիսակառույց եկեղեցին

Մուսա լեռան ստորոտին կառուցված եկեղեցին դարձել է լուսանկարիչների և նորապսակների սիրելի վայրերից մեկը։

Էրդողան․ «Զանգեզուրի անցումը մեր ողջ տարածաշրջանի համար խաղաղության նախագիծ է»

Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա: