Թուրքիայի անմխիթար վիճակը՝ ԱՄՆ Պետդեպի զեկույցում

Միջազգային13:29, 14 Մարտ 2019

Թուրքիայի անմխիթար վիճակը՝ ԱՄՆ Պետդեպի զեկույցում

ԱՄՆ Պետական դեպարտամենտի ամենամյա զեկույցում, որտեղ ներկայացված է տարբեր երկրներում մարդու իրավունքների վիճակի վերաբերյալ տեղեկություններ, տեղ է գտել նաև Թուրքիայում խոսքի ազատության, նախընտրական քարոզարշավի և այլ հարցերի շուրջ գնահատականներ։

Մասնավորապես մամուլի ազատությանն առնչվող հատվածում ներկայացվել են «Լրագրողների պաշտպանության կոմիտեի» (CPJ) և «Լրագրողներ առանց սահմանների» (RSF) միջազգային ոչ կառավարական կազմակերպության տվյալները Թուրքիայում առկա անմխիթար վիճակի վերաբերյալ։

Ըստ «Լրագրողների պաշտպանության կոմիտեի» տվյալների՝ 2018 թվականի դեկտեմբեր ամսից ի վեր Թուրքիայում 73 լրագրող բանտում է գտնվում, իսկ այն լրագրողների թվաքանակը, ովքեր բանտարկվելու վախից լքել են Թուրքիան և ապաստան են գտել տարբեր երկրներում, հայտնի չէ։

Զեկույցում ընդգծվել է նաև այն հանգամանքը, որ թուրքական ԶԼՄ-ները 90%-ով պատկանում են իշխանություններին կամ գտնվում են նրանց վերահսկողության ներքո և սպասարկում են իշխանության շահերը։ Ընդ որում բոլոր ամենահայտնի լրատվամիջոցներն ու հեռուստաընկերությունները գտնվում են բացառապես իշխանության ձեռքում։

Անդրադարձ է եղել նաև Թուրքիայում 2018 թվականի հունիսի 24-ի ընտրություններին նախորդած նախընտրական քարոզարշավին, որտեղ, ըստ զեկուցման կոպտորեն խախտվել է հավասարության սկզբունքը։ Եթե թուրքակա պետական հեռուստատեսությունը Թուրքիայի նախագահ Ռեջեփ Թայիփ Էրդողանի քարոզչությանը տրամադրել է 67 ժամ, ապա մնացած 4 ընդդիմադիր ուժերին միասին վերցրած տրամադրել է ընդամենը 19 ժամ։ Ընդ որում քրդամետ «Ժողովուրդների դեմոկրատական կուսակցության» առաջնորդ Սելահաթթին Դեմիրթաշի քարոզարշավի համար ընդհանրապես եթեր չի տրամադրվել։

Աղբյուր` Ermenihaber.am

Այս ենթաբաժնի վերջին նորությունները

11:13, 26 օգոս

Թուրք-շվեդական գաղտնի փաստաթղթերը՝ Ստոկհոլմի օդանավակայանի զուգարանում

Մոռացված թղթապանակը, որի մեջ եղել են գաղտնի տեղեկություններ, հայտնաբերվել է օդանավակայանի աշխատակիցների կողմից։

13:30, 21 օգոս

Զելենսկի-Պուտին հանդիպումը կարող է կայանալ Թուրքիայում

Ուկրաինայի նախագահն անդրադարձել է ՌԴ նախագահի հետ հնարավոր հանդիպմանը՝ նշելով, որ առաջիկա 7–10 օրվա ընթացքում սպասում է անվտանգության երաշխիքների տրամադրմանը։

13:25, 20 օգոս

Թուրքիայում կկայանա ՆԱՏՕ-ի անդամ երկրների գագաթնաժողովը

Գագաթնաժողովը կկայա 2026-ի հուլիսի 7-ից 8-ը՝ Թուրքիայի նախագահական համալիրում։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Թուրքիայում պահանջում են վերականգնել հայկական կիսակառույց եկեղեցին

Մուսա լեռան ստորոտին կառուցված եկեղեցին դարձել է լուսանկարիչների և նորապսակների սիրելի վայրերից մեկը։

Էրդողան․ «Զանգեզուրի անցումը մեր ողջ տարածաշրջանի համար խաղաղության նախագիծ է»

Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա: