Թուրքիայում S-400-ների մարտկոցների տեղակայումը կսկսվի 2019-ի հոկտեմբերից

Տարածաշրջան07:43, 11 Մարտ 2019

Թուրքիայում S-400-ների մարտկոցների տեղակայումը կսկսվի 2019-ի հոկտեմբերից

Թուրքիայի պաշտպանության նախարար Հուլուսի Աքարը հայտարարել է, որ Անկարային մատակարարվելիք ռուսական «S-400» ՀՕՊ համակարգերի մարտկոցների տեղակայման գործընթացը սկսվելու է սույն տարվա հոկտեմբերից։

«Ավելի ուշ մենք կիրազեկենք, թե որտեղ են այդ համակարգերը տեղակայվելու։ S-400-ների գնումը նախընտրություն չէր, այլ անրաժեշտություն էր։ Մենք ստիպված ենք պաշտպանել մեր 82 միլիոնանոց բնակչությանը»։

Ինչպես հայտնի է, ռուս-թուրքական գործարքին կտրականապես դեմ է ԱՄՆ-ն։ Պենտագոնը վերջին օրերին մի քանի անգամ զգուշացրել է, թե դա ինչ ծանր հետևանքներ կունենա Թուրքիայի համար։

Ըստ ամերիկյան կողմի՝ հետևանքներից մեկը լինելու է այն, որ ԱՄՆ-ն Թուրքիային չի տրամադրի նոր սերնդի ամերիկյան F-35 ռազմական ինքնաթիռներ և Patriot համակարգեր։

Այդ կապակցությամբ թուրք նախարարն ասել է, որ իրենք ձգտում են ստեղծել այնպիսի պայմաններ, որ Անկարան ստանա թե ռուսական ՀՕՊ համակարգերը և թե ամերիկյան ռազմական ինքնաթիռները։

Աղբյուր` Cumhurriyet

Այս ենթաբաժնի վերջին նորությունները

16:22, 26 օգոս

Աշխարհի 50 ամենագեղեցիկ գյուղերի ցանկում կա նաև գյուղ Թուրքիայից

50 գյուղից կաղմված ցանկում Թուրքիայի Օրթահիսարը զբաղեցրել է 40-րդ հորիզոնականը։

13:28, 26 օգոս

Ստամբուլի ջրամբարների լցվածությունը վերջին շաբաթում ռեկորդային չափով նվազել է

Ապրիլին ջրամբարների լցվածությունը կազմում էր 82 տոկոս իսկ հիմա՝ հազիվ 24 տոկոս։

21:14, 25 օգոս

Էրդողան․ «Զանգեզուրի անցումը մեր ողջ տարածաշրջանի համար խաղաղության նախագիծ է»

Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա: