Մոսկվայում ռուս, թուրք, ադրբեջանցի փորձագետները քննարկումներ են անցկացրել

Տարածաշրջան06:37, 06 Մարտ 2019

Մոսկվայում ռուս, թուրք, ադրբեջանցի փորձագետները քննարկումներ են անցկացրել

Մոսկվայում տեղի է ունեցել կոնֆերանս, որի ընթացքում ռուս, թուրք և ադրբեջանցի փորձագետները քննարկել են Ադրբեջան-Ռուսաստան-Թուրքիա համագործակցության հարցը տարբեր ոլորտներում։

Քննարկումներից հետո մամուլի ասուլիս է տվել Ռուսաստան-Թուրքիա միջխորհրդարանական բարեկամական խմբի ղեկավար Դմիտրի Սավելևը: Նա հայտնի է իր ադրբեջանամետ դիրքորոշմամբ։

Սավելևն ընդգծել է, որ ռուս-թուրքական հարաբերություններն այժմ լավ շրջան են ապրում, որտեղ վճռորոշ գործոն է լեզվական, կրոնական և մշակութային ընդհանրությունը։ Նրա խոսքերով՝ մեծ կարևորություն է ներկայացնում այն փաստը, որ Ռուսաստանն ու Թուրքիան կարողացան հաղթահարել այն ճգնաժամը, որն առաջացել էր, երբ Սիրիայում Թուրքիայի օդուժը խոցել էր ռուսական ռազմական ինքնաթիռը։

Ռուս փորձագետը նշել է, որ ժամանակակից աշխարհում եռակողմ ձևաչափով դաշինքներն արդյունավետ դեր են խաղում: Դրա վառ օրինակն է Ռուսաստանի, Թուրքիայի և Իրանի միջև առկա համագործակցությունը սիրիական ճգնաժամում։ Սավելևը ցանկություն է հայտնել, որ Ռուսաստանի, Թուրքիայի և Ադրբեջանի միջև համագործակցությունը տարբեր ոլորտներում ևս հասնի նման մակարդակի։

Այս ենթաբաժնի վերջին նորությունները

16:22, 26 օգոս

Աշխարհի 50 ամենագեղեցիկ գյուղերի ցանկում կա նաև գյուղ Թուրքիայից

50 գյուղից կաղմված ցանկում Թուրքիայի Օրթահիսարը զբաղեցրել է 40-րդ հորիզոնականը։

13:28, 26 օգոս

Ստամբուլի ջրամբարների լցվածությունը վերջին շաբաթում ռեկորդային չափով նվազել է

Ապրիլին ջրամբարների լցվածությունը կազմում էր 82 տոկոս իսկ հիմա՝ հազիվ 24 տոկոս։

21:14, 25 օգոս

Էրդողան․ «Զանգեզուրի անցումը մեր ողջ տարածաշրջանի համար խաղաղության նախագիծ է»

Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա: