Թուրքիան նախատեսում է Իրանի հետ համատեղ գործողություն իրականացնել ՔԲԿ-ի դեմ

Քաղաքական09:32, 06 Մարտ 2019

Թուրքիան նախատեսում է Իրանի հետ համատեղ գործողություն իրականացնել ՔԲԿ-ի դեմ

Թուրքիան պատրաստվում է Իրանի հետ համատեղ գործողություն իրականացնել «Քուրրդիստանի բանվորական կուսակցության» (ՔԲԿ-PKK) դեմ: Այս մասին հայտարարել է Թուրքիայի ներքին գործերի նախարար Սուլեյման Սոյլուն պետական «Anadolu» լրատվական գործակալությանը տված հարցազրույցի ընթացքում:

Ըստ Սոյլուի՝ այս պահին թուրքական կողմն արդեն քայլեր է ձեռնարկում այդ ուղղությամբ:

Թուրք նախարարը մանրամասնել է, որ այս փուլում խոսքը գնում է քրդական կազմակերպության վերաբերյալ կողմերի ունեցած հետախուզական տվյալների համադրման ու գնահատման մասին:

Սուլեյման Սոյլուի պնդմամբ` PKK-ի պատմության ամենավատ շրջանն է հիմա:

«Մուրաթ Քարայըլանին («Քուրդիստանի համայնքների միության» գործադիր խորհրդի նախագահ) մի կոչ անեմ. նրանք այսպես կոչված զոհերի ցուցակն էին հրապարակում, ինչու՞ 2018-ին չհրապարակեցին, դե հրապարակեք»,-ասել է նախարարը:

Աղբյուր` Ermenihaber.am