Թուրքական զինված ուժերը համալրվելու են նոր հարվածային ԱԹՍ-ներով

Ռազմական13:13, 28 Փետրվար 2019

Թուրքական զինված ուժերը համալրվելու են նոր հարվածային ԱԹՍ-ներով

Թուրքիայի պաշտպանական արդյունաբերության վարչության կողմից օրեր առաջ ներկայացված նոր հարվածային անօդաչու թռչող սարքը արդեն հասցրել է հայտնվել ռազմական ոլորտի ամերիկյան «Jane» ամսագրի թվիթերյան էջին:

Ամսագիրը ներկայացրել է «Akıncı» (Աքընջը) անունը կրող հարվածային խոշոր չափեր ունեցող ԱԹՍ-ները, որոնց տեխնիկական բնութագիրն այսպիսինն է.

Թռիչքի առավելագույն տևողությունը՝ 24 ժ,

Թևերի բացվածքը՝ 20 մ,

Առավելագույն թռիչքային զանգվածը՝ 4500 կգ,

Օգտակար ներքին բեռնատարողությունը՝ 450 կգ,

Օգտակար արտաքին բեռնատարողությունը՝ 900 կգ,

Թռիչքի առավելագույն բարձրությունը՝ 40000 ֆիթ (12192 մ):

ԱԹՍ–ն նախատեսվում է գործարկել Թուրքիայի ավիաշինական ընկերության (TAI) մշակած PD 220 շարժիչով։

Նշվում է, որ ԱԹՍ-ն կարող է համալրվել թուրքական արտադրության մի շարք հրթիռներով, արկերով ու ռումբերով (MAM-L, MAM-C, Cirit, L-UMTAS, Bozok, MK-81, MK-82, MK-83, Kanatlı Güdüm Kiti (KGK)-MK-82, Gökdoğan, Bozdoğan, SOM-A):

Աղբյուր` Haber 7