Թուրքիայի խորհրդարանը նոր նախագահ է ընտրել

Քաղաքական07:18, 25 Փետրվար 2019

Թուրքիայի խորհրդարանը նոր նախագահ է ընտրել

Թուրքիայի խորհրդարարանը (մեջլիս) օրենսդիր մարմնի նոր նախագահ է ընտրել: Խորհրդարանի նախորդ նախագահ Բինալի Յըլդըրըմը փետրվարի 19-ին հրաժարական էր տվել: Այժմ Թուրքիայի Հանրապետության 27-րդ գումարման մեջլիսի նոր նախագահի պաշտոնում ընտրվել է իշխող «Արդարություն և զարգացում» կուսակցության (AKP-ԱԶԿ) պատգամավոր Մուսթաֆա Շենթոփը:

Մեջլիսի նախագահի ընտրություններում թեկնածուներ էին առաջադրել խորհրդարանական բոլոր կուսակցությունները, բացի ԱԶԿ-ի խորհրդարանական դաշնակից «Ազգայնական շարժում» կուսակցությունից: Ընտրության 3-րդ փուլում գլխավոր ընդդիմադիր քեմալական «Ժողովրդահանրապետական» կուսակցության (CHP-ՀԺԿ) թեկնածու Էնգին Ալթայը ստացել է 124 քվե, քրդամետ «Ժողովուրդների դեմոկրատական» կուսակցության (HDP-ԺԴԿ) թեկնածու Սերփիլ Քեմալբայ Փոքգյոզեգյուն՝ 46, իսկ ԱԶԿ-ի թեկնածու Շենթոփը ստացել 336 ձայն:

Հիշեցնենք, որ մեջլիսի արդեն նախկին նախագահ Բինալի Յըլդըրըմը հրաժարական էր ներկայացրել՝ մարտի 31-ին Թուրքիայում տեղի ունենալիք ՏԻՄ ընտրությունների շրջանակներում իշխող ԱԶԿ-ի կողմից Ստամբուլի քաղաքապետի թեկնածու առաջադրվելու համար:

Աղբյուր` Diken

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։