Վաշինգտոնը կշարունակի համագործակցել քրդական ուժերի հետ ԻՊ-ի դեմ պայքարում

Տարածաշրջան12:17, 20 Փետրվար 2019

Վաշինգտոնը կշարունակի համագործակցել քրդական ուժերի հետ ԻՊ-ի դեմ պայքարում

ԱՄՆ-ն չի պատրաստվում դադարեցնել Սիրիայի քրդական ուժերի հետ համագործակցությունը Սիրիայում՝ տարբեր ահաբեկչական կազմակերպությունների և ծայրահեղական խմբավորումների դեմ պայքարում։

Այդ մասին թուրքական «Anadolu» լրատվական գործակալության հետ զրույցում ասել է Պենտագոնի խոսնակ, մայոր Շոն Ռոբերթսոնը։

Այն հարցին, թե արդյոք Վաշինգտոնը հետ է վերցնելու Թուրքիայի կողմից ահաբեկչական համարվող Սիրիայի քրդական ուժերին մատակարարված տարբեր տեսակի զենքերն, ամերիկացի զինվորականը պատասխանել է.

«Սիրիայի դեմոկրատական ուժերն (SDG) ԻՊ-ի դեմ պայքարում արդյունավետ և վստահելի գործընկեր են (SDG-ի զգալի մասը կազմում են քրդական ուժերը-խմբ.): Մենք նախկինում հայտարարել էինք, որ տրամադրված զենքը սահմանափակ է, և այնքան է, ինչքանը անհրաժեշտ է ԻՊ-ի դեմ պայքարում հաղթանակ տանելու համար: Սիրիայի հյուսիսարևելքը ազատագրելու գործընթացն ավարտված է, սակայն դեռ անելու շատ գործ կա»։

Ամերիկացի զինվորականը ավելացրել է որ Վաշինգտոնը շարունակելու է համագործակցել SDG-ի հետ, որպեսզի ԻՊ-ը չկարողանա վերադառնալ այն տարածքներ, որոնք նախկինում կազմակերպության վերահսկողության տակ էին։

Աղբյուր` Anadolu

Այս ենթաբաժնի վերջին նորությունները

15:24, 04 հուլ

Էրդողան. «Կովկասը դառնալու է խաղաղության կենտրոն»

Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։