Չինաստանից Թուրքիա մեկնած այցելուների թիվը 2018-ին աճել է 59.38 %-ով

Տնտեսական11:26, 18 Փետրվար 2019

Չինաստանից Թուրքիա մեկնած այցելուների թիվը 2018-ին աճել է 59.38 %-ով

Թուրքիայի մշակույթի և զբոսաշրջության նախարարությունը Թուրքիա մեկնած զբոսաշրջիկների թվի վերաբերյալ տվյալներ է հրապարակել: Ըստ այդմ՝ 2018թ. Թուրքիա մեկնած արտասահմանցի զբոսաշրջիկների թիվը նախորդ տարվա համեմատ աճել է 21.84%-ով և կազմել 39 մլն 488.401:

2018թ. ամենից շատ զբոսաշրջիկ Թուրքիա մեկնել է Ռուսաստանից (5մլն 964.613): 2017թ. ցուցանիշի համեմատ ռուս զբոսաշրջիկների թիվն ավելացել է շուրջ 1 միլիոնով:

Տուրիստների զգալի թվով Ռուսաստանին հաջորդում է Գերմանիան` 4 մլն 512.360:

Հատկանշական է, որ 2018թ. «Թուրքիայի տուրիզմի տարի» հռչակված Չինաստանի Ժողովրդական Հանրապետությունից Թուրքիա մեկնած այցելուների թիվը 59.38 %-ով ավելացել է՝ կազմելով 394.109: 2016թ. այս ցուցանիշը 167.570 էր, իսկ 2017թ.` 247.277:

Զբոսաշրջության մասնագետ Գյոքչե Օզդեմիր Ումութլուն, անդրադառնալով Թուրքիայի և Չինաստանի միջև զբոսաշրջային հարաբերություններին, նշել է, որ վերջին տարիներին դրական միտումներ են նկատվում: Նրա համոզմամբ` առաջիկա տարիներին հնարավոր է, որ Չինաստանից Թուրքիա մեկնող այցելուների թիվը հասնի 1 միլիոնի:

Աղբյուր` DHA

Այս ենթաբաժնի վերջին նորությունները

14:40, 02 մայ

Թուրքիան աշխարհում 159-րդն է մամուլի ազատության ինդեքսով

«Լրագրողներ առանց սահմանի» (RSF) միջազգային կազմակերպությունը հրապարակել է «Մամուլի ազատության ինդեքս 2025» ամենամյա զեկույցը։

14:34, 30 ապր

Թուրքիայի զբոսաշրջության ոլորտը նոր ռեկորդներ է սահմանում

Մասնագետների կարծիքով, ընթացիկ միտումների պահպանման դեպքում Թուրքիան 2025 թվականին կարող է դառնալ աշխարհի առաջատար զբոսաշրջային ուղղություններից մեկը: