Թուրքիայում վճարովի զինվորական ծառայության համակարգը կփոփոխվի

Ռազմական07:18, 18 Փետրվար 2019

Թուրքիայում վճարովի զինվորական ծառայության համակարգը կփոփոխվի

Թուրքիայի նախագահ Ռեջեփ Թայիփ Էրդողանը մանրամասներ է հրապարակել երկրում վճարովի զինվորական ծառայության համակարգում կատարվելիք փոփոխությունների մասին։ Բալըքեսիրում կայացած հանրահավաքի ժամանակ էրդողանը մասնավորապես տեղեկացրել է, որ վճարովի զինվորական ծառայությունը կդառնա մշտական և դրա համար կսահմանվեն քանակական որոշակի սահմանափակումներ։ Ընդ որում՝ վճարովի զինվորական ծառայության կարող է անցնել յուրաքանչյուրը՝ անկախ կրթության մակարդակի։

Թուրքիայի նախագահի խոսքով՝ երկրի պաշտպանության նախարարությունն ու զինված ուժերի գլխավորի շտաբի ղեկավարությունն այս ոլորտում փոփոխությունների համատեղ նախագիծ են մշակել։

«Ինչպես հայտնի է, ներկա դրությամբ բարձրագույն կրթություն ունեցողները ծառայում են 12 ամիս՝ որպես պահեստային սպա կամ 6 ամիս՝ որպես շարքային զինվոր կամ սերժանտ։ Իսկ բարձրագույն կրթություն չունեցողները ծառայում են 12 ամիս՝ որպես շարքային զինվոր կամ սերժանտ։ Բացի այդ ժամանակ առ ժամանակ արտերկրում բնակվող քաղաքացիների համար արտարժույթով վճարվող զինվորական նախագծեր են իրականացվում», -նշել է Էրդողանը։

Նա տեղեկացրել է, որ նոր նախագծի համաձայն՝ բարձրագույն կրթություն ունեցողների համար 12-ամսյա պահեստային սպայական համակարգը կպահպանվի։ Բացի այդ երկամյա մասնագիտական կրթություն ունեցողների համար կներմուծվի պահեստային ենթասպաների 12-ամսյա համակարգը։ 12 ամիս որպես պահեստային սպա և ենթասպա ծառայողներն իրենց երկամսյա կրթության ընթացքում կստանան կրթաթոշակ, իսկ մնացած 10 ամիսների ծառայության ընթացքում՝ աշխատավարձ։

Իսկ միջնակարգ կրթություն ունեցողները կարող են ծառայել բանակում 6+6-ամսյա ժամկետով։ Առաջին կես տարում նրանք կանցնեն մեկ ամիս վերապատրաստում և 5 ամիս ծառայություն։ Դրանից հետո ցանկության դեպքում կարող են զորացրվել կամ կարող են շարունակել ծառայել ևս 6 ամիս՝ այդ ընթացքում ստանալով աշխատավարձ։ Էրդողանը հավելել է, որ վճարովի ծառայության այս նախագծերի համար կսահմանվեն ծառայողների կոնկրետ թվաքանակներ՝ ըստ բանակի պահանջների, և վճարովի ծառայության համակարգը շարունակական կդառնա։ Նախնական փուլում տարեկան վճարովի ծառայություն կիրականացնի շուրջ 145․00 քաղաքացի։

Աղբյուր` Anadolu Ajansı

Այս ենթաբաժնի վերջին նորությունները

16:09, 26 օգոս

Թուրքիան մտադիր է դառնալ աշխարհում 5-րդ սերնդի կործանիչ արտադրող 4-րդ երկիրը

Ամերիկյան «The National Interest» ամսագիրը վերլուծություն է իրականացրել թուրքական արտադրության «KAAN» կործանիչների վերաբերյալ:

15:28, 25 օգոս

Հանդիպել են Թուրքիայի և Լիբիայի ռազմական պատվիրակությունները

Հանդիպումը կայացել է «մեկ Լիբիա, մեկ բանակ» կարգախոսի ներքո իրականացվող համատեղ աշխատանքների շրջանակներում։

16:11, 20 օգոս

Թուրքիան և Ճապոնիան մտադիր են խորացնել ռազմական համագործակցությունը

Թուրքիայի ՊՆ ղեկավարն Անկարայում հանդիպում է ունեցել իր ճապոնացի պաշտոնակցի հետ։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Թուրքիայում պահանջում են վերականգնել հայկական կիսակառույց եկեղեցին

Մուսա լեռան ստորոտին կառուցված եկեղեցին դարձել է լուսանկարիչների և նորապսակների սիրելի վայրերից մեկը։

Էրդողան․ «Զանգեզուրի անցումը մեր ողջ տարածաշրջանի համար խաղաղության նախագիծ է»

Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա: