Դմիտրի Պեսկով. «Սիրիայի տարածքներում քրդերն ապրելու իրավունք ունեն»

Քաղաքական09:35, 18 Փետրվար 2019

Դմիտրի Պեսկով. «Սիրիայի տարածքներում քրդերն ապրելու իրավունք ունեն»

Ռուսաստանի նախագահի մամուլի խոսնակ Դմիտրի Պեսկովը թուրք լրագրողին տված հարցազրույցում անդրադարձել է Մերձավոր Արևելքում տեղի ունեցող զարգացումներին:

Մամուլի խոսնակը նշել է, որ քրդերը Սիրիայի տարածքում ապրելու իրավունք ունեն և հավելել, որ քրդերի այդ իրավունքը ապագայում պիտի անպայման պահպանվի:

Պեսկովը Թուրքիայի ներգաղթյալների վերաբերյալ ասել է. «3-4 ամիս առաջ Ստամբուլ գնացի, երկար ժամանակ չէի այցելել: Մի բան նկատեցի: Ստամբուլը սկսել է արաբերեն խոսել»:

Այնուհետև Պեսկովը զուգահեռներ է տարել Ստամբուլի և Մայամիի միջև՝ նկատի ունենալով, որ Մայամին Ամերիկայում է, սակայն անգլերեն խոսող չկա (ռուս զբոսաշրջիկների զգալի քանակության պատճառով) և Ստամբուլը` Թուրքիայում, սակայն արաբերեն խոսողներով լի (արաբ ներգաղթյալների զգալի թվաքանակի պատճառով):

Մամուլի խոսնակն ահաբեկչության վերաբերյալ Ռուսաստանի դիրքորոշումն է հայտնել. «Մենք դեմ ենք ցանկացած ահաբեկչության և ճանաչում ենք բոլոր այն երկրների իրավունքը, որոնք պայքարում են ահաբեկչության դեմ: Մեր երկիրը նույնպես տառապում է ահաբեկչությունից: Այդ իսկ պատճառով Թուրքիայի այդ մտահոգություններին ըմբռնումով ենք մոտենում: Մյուս կողմից տարիներ ի վեր քրդերը Սիրիայի տարածքներում ապրել են և ապրելու իրավունք ունեն»:

Դմիտրի Պեսկովի խոսքով` շատ կարևոր է Թուրքիայում գտնվող սիրիացի ներգաղթյալների վիճակը:

«Թուրքիան մեծ բեռ է իր ուսերին կրում: Ինչպես նախագահ Էրդողանն է ասում, Թուրքիան իր կատարած ծախսերի համար շատ քիչ գումար է ստացել Եվրոպայից»,-ընդգծել է նա:

Անդրադառնալով Թուրքիայի ենթակառուցվածքներին՝ Պուտինի խոսնակը նշել է, որ Թուրքիան Ռուսաստանից ավելի արագ է զարգանում:

«Չնայած Թուրքիան Ռուսաստանի նման հարուստ չէ նավթի ու գազի պաշարներով, սակայն ամեն տարի երկրի ենթակառուցվածքները նորանում են: Նոր թունելներ, կամուրջներ, օդանավակայաններ են կառուցվում, տնտեսապես զարգանում է»,- նշել է նա:

Աղբյուր` Demokrathaber

Այս ենթաբաժնի վերջին նորությունները

17:16, 15 մայ

Ըստ Ֆիդանի՝ ռուս-ուկրաինական կողմերը պիտի քայլեր ձեռնարկեն բանակցային սեղանի շուրջ՝ զիջումների գնալով

Թուրքիայի արտգործնախարարն Անթալիայում կայացած ՆԱՏՕ-ի արտգործնախարարների ոչ պաշոնական հանդիպումից հետո հանդես է եկել մամուլի ասուլիսով։

15:46, 15 մայ

Էրդողանն Անկարայում ընդունել է Զելենսկուն

Ակնկալվում է, որ օրակարգում են լինելու ռուս-ուկրաինական պատերազմի վերջին զարգացումները:

12:46, 15 մայ

Թուրքիան քայլեր չի ձեռնարկում վիզաների ազատականացման հարցում բոլոր կետերին բավարարելու համար

Եվրախորհրդարանում Թուրքիայի մասով զեկուցող Նաչո Սանչես Ամորը նյարդայնացնող է համարել այն, որ թուրք ուսանողները կարողանում են կրթաթոշակ ստանալ, սակայն վիզա՝ ոչ: