Տնտեսական10:08, 15 Փետրվար 2019
2018թ․ Թուրքիայում օտարերկրյա ուղղակի ներդրումները 14 տոկոսով նվազել են
Թուրքիայի Կենտրոնական բանկի տվյալների համաձայն՝ 2018թ․ Թուրքիայում 6 մլրդ 534 մլն դոլարի օտարերկրյա ուղղակի ներդրումներ են կատարվել։ Ընդ որում՝ այդ ներդրումների մեծ մասը` 4 մլրդ 234 միլիոնը բաժին է ընկել եվրոպական երկրներին։ 2018թ․ Եվրոպայից Թուրքիայում կատարված ներդրումների ծավալը 2017թ․ համեմատ նվազել է 14 տոկոսով կամ 693 մլն դոլարով։
Իսկ ասիական երկրներից Թուրքիայում կատարվող ուղղակի ներդրումները նախորդ տարի աճել են 3 տոկոսով՝ կազմելով 1 մլրդ 750 մլն դոլար։ Ամերիկյան երկրներից ստացված ներդրումները աճել են շուրջ 97 տոկոսով՝ հասնելով 484 մլն դոլարի՝ 2017թ․ 247 միլիոնի դիմաց։
Միևնույն ժամանակ, նշված ժամանակահատվածում Աֆրիկայից Թուրքիա է ուղղվել ընդհանուր 24 մլն, իսկ Օվկիանայից՝ 42 մլն դոլարի ներդրում։
2018թ․ Թուրքիայում ամենամեծ ներդրում կատարած երկիրը Նիդերլանդներն է (833 մլն դոլար), որին բաժին է ընկել ընդհանուր ներդրումների 13 տոկոսը։ Երկրորդ տեղում Ադրբեջանն է՝ 516 մլն ներդրումների ծավալով։ Երրորդում Իտալիան է՝ 509 մլն դոլար ներդրումով։ Ընդ որում, Իտալիան նաև այն երկիրն է, որտեղից ստացված ուղղակի ներդրումները ամենից շատ են աճել 2018թ․։ Նախորդ տարվա համեմատ Թուրքիայում կատարված իտալական ներդրումների աճը կազմել է 381 մլն դոլար։
Իսկ ամենամեծ անկումը գրանցվել է Իսպանիայից Թուրքիայում կատարվող ներդրումների ծավալում։ 2018թ․ այդ ցուցանիշը նվազել է ավելի քան 1 մլրդ դոլարով։
Այս ենթաբաժնի վերջին նորությունները
Տեղեկությունների համաձայն՝ Հունգարիայում բացված նոր գործարանը տեղափոխվելու է Թուրքիա և հանձնվելու շահագործման 2026-ին:
Մասնագետներն ահազանգում են, եթե անհրաժեշտ միջոցներ չձեռնարկվեն, ապա կենցաղային և տնտեսական լուրջ խնդիրներ ի հայտ կգան:
Հետաքննությունից հետո պարզվել է, որ ԵՄ-ից ներմուծումներն օգտագործվել են Չինաստանից ներմուծվող նմանատիպ արտադրանքի դեմ կիրառվող միջոցները շրջանցելու համար։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մուսա լեռան ստորոտին կառուցված եկեղեցին դարձել է լուսանկարիչների և նորապսակների սիրելի վայրերից մեկը։
Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա:
Ըստ India.com-ի՝ այդ հրթիռները կարող են «ոչնչացնել Թուրքիան 6 րոպեում»։
Ամերիկյան «The National Interest» ամսագիրը վերլուծություն է իրականացրել թուրքական արտադրության «KAAN» կործանիչների վերաբերյալ:
Հունական «Banking News» պարբերականը վերլուծություն է հրապարակել Թուրքիայի դիրքերի ամրապնդման մասին Արևելյան Միջերկրականում:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |