Ամստերդամում Թուրքիայի հյուպատոսարանի վրա հարձակված քուրդը դատապարտվեց 16 ամսվա ազատազրկման

Իրավական09:32, 15 Փետրվար 2019

Ամստերդամում Թուրքիայի հյուպատոսարանի վրա հարձակված քուրդը դատապարտվեց 16 ամսվա ազատազրկման

2018 թվականի օգոստոսի 11-ին Ամստերդամում Թուրքիայի հյուպատոսարանի վրա մոլոտովյան կոկտեյլներ նետած ազգությամբ քուրդ Էրջան Փոլաթերը հոլանդական դատարանի կողմից դատապարտվել է 16 ամսվա ազատազրկման:

Հոլանդիայի դատախազությունը 20 ամսվա ազատազրկում էր պահանջել 2018 թվականի օգոստոսի 11-ին Ամստերդամում Թուրքիայի հյուպատոսարանի վրա մոլոտովյան կոկտեյլներ նետած Էրջան Փոլաթերի համար:

Դատախազության տարածած հայտարարության մեջ նշվել էր, որ մեղադրյալը դիտավորությամբ է ընտրել Թուրքիայի հյուպատոսարանի շենքը և 3 մոլոտովյան կոկտեյլ (հրդեհ առաջացնող ինքնաշեն պայթուցիկ) նետել:

Հարձակման հետևանքով զոհեր և վիրավորներ չէին եղել, շենքն էլ աննշան վնաս էր կրել:

Փոլաթերի դատավճիռը պետք է կայացվեր փետրվարի 14-ին: Երեկ հրապարակված դատավճռից էլ պարզ է դարձել, որ Փոլաթերը դատապարտվել է 16 ամսվա ազատազրկման, որից 6 ամիսը՝ պայմանական:

Նշենք, որ 2004 թվականին Հոլանդիայի կողմից փախստականի կարգավիճակ ստացած Փոլաթերի նկատմամբ դեռ տարիներ առաջ «Քուրդիստանի բանվորական կուսակցության» (PKK-ՔԲԿ) անդամ լինելու մեղադրանքով միջազգային հետախուզում էր հայտարարվել Թուրքիայի կողմից:

2012-ին Թուրքիայի պահանջով Բուլղարիայում ձերբակալված Փոլաթերը Թուրքիային չի արտահանձնվել, քանի որ Հոլանդիայում փախստականի կարգավիճակ է ունեցել:

Այս ենթաբաժնի վերջին նորությունները

15:34, 12 հուն

Թուրքիայում շուրջ 4 միլիոն երեխա է աշխատում

Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։

15:00, 05 հուն

Ստամբուլի շրջանի ընդդիմադիր 5 համայնքապետեր կալանավորվել և հեռացվել են պաշտոնից

Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։