«Գորշ գայլերի» նշանի արգելման պատճառով թուրք-ավստրիական հարաբերությունները լարվում են

Միջազգային11:54, 14 Փետրվար 2019

«Գորշ գայլերի» նշանի արգելման պատճառով թուրք-ավստրիական հարաբերությունները լարվում են

Թուրքիայի արտգործնախարարությունը հայտարարություն է տարածել Ավստրիայի խորհրդարանի ընդունած այն օրինագծի վերաբերյալ, որով 2019թ. մարտից կարգելվի թուրքական ծայրահեղական «Գորշ գայլեր» կազմակերպության և «Մուսուլման եղբայրներին» աջակցող «Ռաբիա» ու մի շարք այլ կառույցների նշաններ կիրառելը:

«Մենք մեկ անգամ ևս դատապարտում ենք և անընդունելի համարում 2019թ. մարտի 1-ից ուժի մեջ մտնող Ավստրիայի խորհրդարանի կողմից ընդունված որոշ խորհրդանշանների արգելման մասին օրենքը, որով արգելվում է «Գորշ գայլերի» նշանը»։

Արգելվող նշանների ցանկում է նաև Թուրքիայում ահաբեկչական համարվող «Քուրդիստանի բանվորական կուսակցության» (ՔԲԿ - PKK) նշանը։

Ըստ հայտարարության՝ Անկարան սկանդալային է համարում այդ արգելքը, այն դեպքում, երբ այդ նշանն օգտագործվում է Թուրքիայի «կարևոր և օրինական» քաղաքական ուժերից մեկի՝ «Ազգայնական շարժում» (MHP) կուսակցության ներկայացուցիչների կողմից։

Թուրքիայի ԱԳՆ-ի կարծիքով, դրանով փաստացիորեն «Գորշ գայլերի» նշանը միևնույն նժարի վրա է դրվում PKK-ի նշանի հետ։ Թուրքական կողմը հայտնել է, որ այս ամենն ի ցույց է դնում Եվրոպայում առկա պոպուլիզմի մասշտաբները։

«Այս անմիտ և անտրամաբանական որոշմամբ Ավստրիան թիրախավորեց ոչ թե առանձին քաղաքական կուսակցությանը և վերջինիս ներկայացուցիչներին, այլ Թուրքիայի ամբողջ քաղաքական համակարգը և լեգիտիմությունը։

Թուրքիայի ԱԳՆ-ից զգուշացրել են, որ տեղի ունեցածը լուրջ հետևանքներ կթողնի թուրք-ավստրիական հարաբերությունների վրա։ Ակնկալվել է, որ Ավստրիայում կվերանայեն ընդունված արգելքը։

Աղբյուր` Sabah

Այս ենթաբաժնի վերջին նորությունները

11:13, 26 օգոս

Թուրք-շվեդական գաղտնի փաստաթղթերը՝ Ստոկհոլմի օդանավակայանի զուգարանում

Մոռացված թղթապանակը, որի մեջ եղել են գաղտնի տեղեկություններ, հայտնաբերվել է օդանավակայանի աշխատակիցների կողմից։

13:30, 21 օգոս

Զելենսկի-Պուտին հանդիպումը կարող է կայանալ Թուրքիայում

Ուկրաինայի նախագահն անդրադարձել է ՌԴ նախագահի հետ հնարավոր հանդիպմանը՝ նշելով, որ առաջիկա 7–10 օրվա ընթացքում սպասում է անվտանգության երաշխիքների տրամադրմանը։

13:25, 20 օգոս

Թուրքիայում կկայանա ՆԱՏՕ-ի անդամ երկրների գագաթնաժողովը

Գագաթնաժողովը կկայա 2026-ի հուլիսի 7-ից 8-ը՝ Թուրքիայի նախագահական համալիրում։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Թուրքիայում պահանջում են վերականգնել հայկական կիսակառույց եկեղեցին

Մուսա լեռան ստորոտին կառուցված եկեղեցին դարձել է լուսանկարիչների և նորապսակների սիրելի վայրերից մեկը։

Էրդողան․ «Զանգեզուրի անցումը մեր ողջ տարածաշրջանի համար խաղաղության նախագիծ է»

Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա: