Էրդողանը պնդել է, որ առանց քրդական ուժերից «մաքրելու» Սիրիայի ամբողջականությունը չի կարող ապահովվել

Քաղաքական13:11, 14 Փետրվար 2019

Էրդողանը պնդել է, որ առանց քրդական ուժերից «մաքրելու» Սիրիայի ամբողջականությունը չի կարող ապահովվել

«Սիրիայի ամբողջականությունը չի կարող ապահովվել քանի դեռ Մանբիչը և Եփրատի արևելքը չեն մաքրվել YPG-ից (Սիրիայի քրդական «Ժողովրդի ինքնապաշտպանության ուժեր»-խմբ.)»: Այսպիսի հայտարարություն է արել Թուրքիայի նախագահ Ռեջեփ Թայիփ Էրդողանը ռուսաստանցի պաշտոնակից Վլադիմիր Պուտինի հետ հանդիպումից առաջ:

«Իդլիբի խնդիրը լուծելու համար ջանքեր ենք գործադրում: Սիրիայի ամբողջականությունը չի կարող ապահովվել առանց Մանբիչն ու Եփրատից արևելք ընկած հատվածը YPG-ից մաքրելու»,- ասել է Էրդողանը:

Թուրքիայի նախագահը նշել է, որ իրենք պաշտպանում են Սիրիայի հյուսիսում անվտանգության գոտի ստեղծելու գաղափարը, որպեսզի լուծեն իրենց անվտանգային խնդիրները: Անհրաժեշտ է համարել հաղթահարել Սիրիայի նոր սահմանադրութունը գրելու նպատակով ստեղծվելիք հանձնաժողովի ձևավորման հարցում առաջացած տարաձայնությունները:

Աստանայի գործընթացի շրջանակներում տեղի ունենալիք Էրդողան-Պուտին-Ռոհանի եռակողմ գագաթնաժողովին մասնակցելու նպատակով Սոչիում գտնվող Թուրքիայի նախագահը առանձնահանդիպում է ունեցել Իրանի նախագահ Հասան Ռոհանիի հետ:

Գագաթնաժողովից առաջ Ռուսաստանի, Թուրքիայի ու Իրանի նախագահներն անցկացնում են երկկողմ հանդիպումներ:

Աղբյուր` Haberler.com

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։