Թուրքիայի Ռուսաստանի Պաշտպանության նախարարները քննարկել են Սիրիայի հարցը

Տարածաշրջան12:21, 12 Փետրվար 2019

Թուրքիայի Ռուսաստանի Պաշտպանության նախարարները քննարկել են Սիրիայի հարցը

Փետրվարի 11-ին Անկարայում Թուրքիայի և Ռուսաստանի պաշտպանության նախարարների միջև կայացած հանդիպման օրակարգային հարցը Սիրիայի խնդիրն է եղել։

Թուրքիայի պաշտպանության նախարար Հուլուսի Աքարի հետ կայացած հանդիպմանը քննարկվել է Աստանայի և Սոչիի վերջին գագաթնաժողովների ժամանակ երկու երկրների միջև ձեռք բերված համաձայնությունները Սիրիայի հարցով։ Կարևորվել է հունվարի 31-ից փետրվարի 2-ն ընկած ժամանակահատվածում ռազմական ոլորտի ռուս և թուրք մասնագետների միջև կայացած քննարկումները՝ Իդլիբում լարվածության թուլացման և Եփրատ գետի արևելքում իրավիճակի կայունացման վերաբերյալ։

Կողմերը վճռականություն են հայտնել, որ երկու երկրների հետախուզական ծառայության աշխատակիցները և զինված ուժերը կշարունակեն համագործակցել՝ Իդլիբի հարցում։

Ռուսական կողմը կիսել է Թուրքիայի մտահոգությունները «Իսլամական պետություն» ահաբեկչական կազմակերպության և Սիրիայի քրդական ուժերի վերաբերյալ։

Խոսվել է նաև Սիրիայի հարցով Սոչիում փետրվարի 14 կայանալիք հերթական գագաթնաժողովի մասին, որին մասնակցելու են Թուրքիայի, Իրանի և Ռուսաստանի ղեկավարները։

Ընդգծվել է, որ երկու երկրները ահաբեկչության դեմ պայքար մղելով «հարգանք» են ցուցաբերելու Սիրիայի տարածքային ամբողջականության նկատմամբ։

Աղբյուր` msb.gov.tr

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։