Քաղաքական10:28, 06 Փետրվար 2019
Թուրքիան արձագանքել է ապրիլի 24-ը Հայոց ցեղասպանության օր նշելու մասին Մակրոնի հայտարարությանը
Թուրքիայի նախագահ Ռեջեփ Թայիփ Էրդողանի խոսնակ Իբրահիմ Քալընն արձագանքել է Ֆրանսիայի նախագահ Էմանուել Մակրոնի՝ ապրիլի 24-ը Ֆրանսիայում որպես Հայոց ցեղասպանության հիշատակի ազգային օր նշվելու մասին հայտարարությանը:
«Խստորեն դատապարտում ենք Ֆրանսիայի նախագահ Մակրոնի հայտարարությունը, առ այն որ ապրիլի 24-ն այսպես կոչված Հայոց ցեղասպանության հիշատակի օր է նշվելու: Այսպես կոչված Հայոց ցեղասպանության մասին պնդումները քաղաքական սուտ է, որը ոչ մի իրավական հիմք չունի և հակասում է պատմական ճշմարտություններին»,- ասել է Էրդողանի խոսնակը:
Քալընը կրկին առաջ է քաշել պատմաբանների համատեղ հանձնաժողով հիմնելու Էրդողանի առաջարկությունները՝ դրանից հրաժարվողներին մեղադրելով պատմական դեպքերը շահարկելու փորձի մեջ:
Քալընը շեշտել է, որ հնարավորություն չեն տալու նրանց համար, ովքեր փորձում են անցյալը նենգափոխելով պատմությունից ոխ, ատելություն և թշնամություն բխեցնել:
Շարունակելով միտքը՝ Քալընը մասնավորապես ասել է. «Ոչ ոք չի կարող Թուրքիային մեղադրել նրա չկատարած հանցանքի մեջ և բիծ թողնել մեր պատմության վրա: Քննադատում ու մերժում ենք իր երկրում քաղաքական խնդիրներ ունեցող պրն. Մակրոնի կողմից իրավիճակը փրկելու նպատակով պատմական իրադարձությունները քաղաքական ապրանք դարձնելը:
Տառապանքները մրցակցության մեջ դնելը և քաղաքական թեմա դարձնելը քաղաքական և բարոյական ստորություն է: Թուրքիան շարունակելու է աջակցել դրական նպատակ ունեցող ամեն տեսակ ջանքերին, որոնք արվում են Առաջին համաշխարհային պատերազմի տարիներին տեղի ունեցած դեպքերը համատեղ ցավի և արդար հիշողության մոտեցմամբ վեր հանելու համար»:
Հիշեցնենք, որ փետրվարի 5-ին Ֆրանսիայի հայ համայնքի ներկայացուցիչների հետ հանդիպմանը Ֆրանսիայի նախագահ Էմանուել Մակրոնը հայտարարել է, որ ապրիլի 24-ը կդառնա «Հայոց ցեղասպանության հիշատակման ազգային օր»։ Մակրոնը նշել է, որ իր այս նախաձեռնությունը կսկսի գործել հաջորդ ապրիլի 24-ից։
«Ֆրանսիան առաջին հերթին այն երկիրն է, որը գիտի, ինչպես նայել պատմությանը, որն առաջիններից մեկը դատապարտեց 1915թ.-ի հայ ժողովրդի ցեղասպանությունը, որը 2001թ.-ին, երկար պայքարից հետո, օրենքով ճանաչեց այն ու ապրիլի 24-ը հաջորդ շաբաթների ընթացքում կդառնա Հայոց ցեղասպանության զոհերի հիշատակի օր»,-ասել է Մակրոնը:
Ցեղասպանության հիշատակի ազգային օր ունենալու որոշման մասին Մակրոնը նաև թվիթերում է գրառում արել։
Այս ենթաբաժնի վերջին նորությունները
«Քանի դեռ Թուրքիայում չի ստեղծվել անկախ արդարադատություն, եվրադատարանի և Եվրոպայի խորհրդի նախարարների կոմիտեի վճիռները հեշտությամբ կյանքի չեն կոչվի»,-նշել է Դեմիրթաշը։
Ռուսաստանի նախագահի խոսնակ․ «Մենք Թուրքիայի հետ համատեղ նախագծեր ենք ծրագրում, քանի որ չնայած ՆԱՏՕ-ի անդամությանը` այդ երկիրը որոշում կայացնելու հարցում բավականին անկախ է»:
Ընդդիմադիր պատգամավոր Նուսրեթթին Մաչինին կարգելվի մասնակցել խորհրդարանի հաջորդ 3 լիագումար նիստերին:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Նուման Քուրթուլմուշ. «Մենք ցանկանում ենք, որ Հայաստանը Կովկասի խաղաղությանն աջակցի ոչ թե հայկական լոբբիի ցույց տված ուղղությամբ, այլ Հայաստանում ապրող հայ ժողովրդի շահերին համապատասխան»:
Դմիտրի Պեսկովը հարցազրույց է տվել հունական հեռուստալիքներից մեկին՝ Սոչիում Վլադիմիր Պուտինի ու Հունաստանի վարչապետի միջև կայանալիք հանդիպումից առաջ:
«Մենք չենք ճանաչում Քավալայի, Դեմիրթաշի, սրա, նրա հետ կապված ԵՄ որոշումները։ Հարցն այդքան պարզ է։»,-նշել է Թուրքիայի նախագահը։
«Օրբելի» կենտրոնում թեման քննարկում են թուրքագետ Անահիտ Վեզիրյանը և տնտեսագետ Տաթևիկ Առուստամյանը։
Պաշտոնական այցով Կատարում գտնվող Թուրքիայի նախագահը հանդիպել է Կատարի էմիր Թամիմ բին Համադ Ալ Թանիի հետ։
Օրացույց
արտարժույթ
| EUR | TRY | USD |
| 549.84 | 90.05 | 485.12 |