Նեչիրվան Բարզանի.«Եզդիաբնակ Սինջարը կվերածվի առանձին վիլայեթի»

Տարածաշրջան09:17, 05 Փետրվար 2019

Նեչիրվան Բարզանի.«Եզդիաբնակ Սինջարը կվերածվի առանձին վիլայեթի»

Եզդիների հոգևոր առաջնորդ Միր Թահսին Բեգի աճյունը տեղափոխվել է Էրբիլ (IԻրաքյան Քուրդիստան): Նա վախճանվել էր Գերմանիայում: Աճյունի տեղափոխման կապակցությամբ օդանավակայանում կազմակերպվել է պաշտոնական արարողություն:

Պաշտոնական արարողությանը մասնակցել են մի շարք բարձրաստիճան պաշտոնյաներ, այդ թվում նաև Իրաքյան Քուրդիստանի վարչապետ Նեչիրվան Բարզանին:

Նեչիրվան Բարզանին հայտնել է, որ Իրաքի Մոսուլ շրջանին հարակից եզդիաբնակ Սինջարի (Շենգալ) շրջանը դառնալու է վիլայեթ (նահանգ) և այս հարցում Բաղդադի հետ աշխատանքներ են տարվում:

Բարզանին նշել է, որ Սինջարի վերակառուցման համար աշխատում են Իրաքի վարչապետ Ադիլ Ադուլմեհդիի և միջազգային հանրության հետ:

Նեչիրվան Բարզանին, հիշեցնելով եզդիների դեմ «Իսլամական պետություն» (ԻՊ) ահաբեկչական խմբավորման հարձակումները, ասել է. «Եզդիների ողբերգությունը չենք մոռանալու: Այդ հարձակումներից 3342 եզդի է փրկվել, սակայն դեռևս 3075-ը անհետ կորած են»:

Նրա հավաստմամբ` իրենք շարունակելու են փնտրել ԻՊ-ի զինյալների կողմից առևանգված եզդիներին:

Աղբյուր` Hurriyet

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։