Թեհրանում տեղի է ունեցել լուսահոգի Արա Գյուլերին նվիրված վավերագրական ֆիլմի պրեմիերան

Մշակութային09:32, 04 Փետրվար 2019

Թեհրանում տեղի է ունեցել լուսահոգի Արա Գյուլերին նվիրված վավերագրական ֆիլմի պրեմիերան

Թեհրանում տեղի է ունեցել լուսահոգի ֆոտոլրագրող Արա Գյուլերի (Արա Գյուլերյան) հիշատակին նվիրված ֆոտոլրագրող Ջոշքուն Արալի պատրաստած «Աշխարհն այսպիսին է» վավերագրական ֆիլմի շնորհանդեսը:

Իրանցի արվեստասերների շրջանում մեծ հետաքրքրություն է առաջացել Արա Գյուլերին նվիրված ֆիլմի ցուցադրությունը և «Կորուսյալ պատմության հուշեր» խորագրով ցուցահանդեսը:

Վավերագրական ֆիլմի անվանումը վերցված է 1986թ. Գյուլերի և Արալի կազմակերպած համանուն ցուցահանդեսից:

Վավերագրական ֆիլմում Արա Գյուլերը սկսում է պատմել իր մանկության, ընտանիքի, ինչպես նաև իր կարիերայի բեկումնային պահերի մասին: Ֆիլմում ներկայացված է արվեստի, գիտության և մշակույթի բնագավառներում համաշխարհային ճանաչում ունեցող անձանց հետ Գյուլերի բարեկամության մասին և նրանց կյանքից վերցված որոշ դրվագներ:

Վավերագրական ֆիլմի ցուցադրությունից հետո կարծիք է հայտնել «Ara Guler Universal» նախագծի կազմակերպիչ ֆրանսիացի Պատրիս Վալետը:

«Ֆիլմը զգացմունքային է և շատ հաջողված: Որքան շատ բան հնարավոր լինի ցույց տալ մարդկանց, այդքան ավելի հինալաի կլինի: Եվ դա հնարավոր է լուսանկարի, տեսանյութի ու վավերագրական ֆիլմի միջոցով»,- նշել է Վալետը՝ շեշտելով, որ ոգեշնչվում է Արա Գյուլերով:

Ջոշքուն Արալի փոխանցմամբ` ֆիլմը կցուցադրվի ոչ միայն Իրանում, այլև ցանկության դեպքում նաև Թուրքիայում և այլ երկրներում:

Հիշեցնենք, որ Արա Գյուլերը ծնվել է 1928թ. օգոստոսի 16-ին Ստամբուլի Բեյoղլու շրջանում բնակվող հայկական ընտանիքում: Արա Գյուլերին կոչում էին «Ստամբուլի աչք», «լավագույն ֆոտոպատմաբան»մականուններով: «Դարի լավագույն լուսանկարիչ» տիտղոսակիր Գյուլերը լուսանկարել է այնպիսի աշխարհահռչակ մեծերի, ինչպիսիք են Բերտրան Ռասելը, Ուինսթոն Չերչիլը, Մարկ Շագալը, Ալֆրեդ Հիչքոքը, Թենեսի Ուիլյամսը, Պաբլո Պիկասոն, Սալվադոր Դալին, Վիլյամ Սարոյանը, Սերգեյ Փարաջանովը և այլք: Նրա լուսանկարչական աշխատանքները գտնվում են աշխարհի մի շարք թանգարաններում, մասնավոր եւ ազգային հավաքածուներում:

Աղբյուր` Anadoluajans

Այս ենթաբաժնի վերջին նորությունները

17:27, 10 սեպ

Թուրքական բլոգը ներկայացրել է 20 հետաքրքիր փաստ Հայաստանի մասին

Ուղուրջան Բալ. «Չնայած Հայաստանը տարածքով փոքր է, բայց խոր արմատներ ունեցող իր պատմությամբ աշխարհի ամենահին քաղաքակրթություններից մեկն է»։

15:26, 05 սեպ

Թուրք դաշնակահարուհին կատարել է Առնո Բաբաջանյանի «Էլեգիա» ստեղծագործությունը (Տեսանյութ)

Ստեղծագործության տեսահոլովակը նկարահանվել է Ստամբուլի Բեշիքթաշի Սուրբ Աստվածածին հայկական եկեղեցում:

11:08, 02 սեպ

Սեպտեմբերի 7-ին Աղթամար կղզու Սուրբ Խաչ եկեղեցում պատարագ կմատուցվի

Պատարագի մատուցման նախապատրաստական աշխատանքներն ընթացքի մեջ են։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Սերդար Քըլըչն Ալիջանի սահմանային անցակետով կայցելի Հայաստան

Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։