ԱՄՆ-ն ցանկանում է, որ Սիրիայում ստեղծվելիք անվտանգության գոտում տեղակայվեն 3 երկրի զինված ուժեր

Տարածաշրջան12:05, 01 Փետրվար 2019

ԱՄՆ-ն ցանկանում է, որ Սիրիայում ստեղծվելիք անվտանգության գոտում տեղակայվեն 3 երկրի զինված ուժեր

ԱՄՆ-ն Ֆրանսիային, Մեծ Բրիտանիային, Ավստրալիային առաջարկում է զորքեր տեղակայել Սիրիայում ստեղծվելիք 32 կմ-ոց երկարությամբ անվտանգության գոտում։ Այդ մասին հայտնում է թուրքական պարբերականը՝ The Wall Street Journal-ին հղումով։ Ըստ տեղեկության՝ դրանով Վաշինգտոնը նպատակ ունի պաշտպանել Սիրիայի քրդական ուժերին՝ Թուրքիայի հնարավոր հարձակումից։

Ինչպես հայտնի է Թուրքիան պատրաստվում է Եփրատ գետի արևելյան հատվածում ռազմական գործողություններ սկսել Սիրիայի քրդական «Ժողովրդավարական միություն կուսակցության» (ԺՄԿ-PYD) ռազմական թև հանդիսացող «Ժողովրդական ինքնապաշտպանական ջոկատներ»-ի (ԺԻՋ-YPG) դեմ, որին Անկարան համարում է ահաբեկչական։

Ամերիկյան թերթը գրում է, որ այդ քայլը ոչ միայն կկանխի թուրք-քրդական հնարավոր բախումը, այլև այն վտանգները, որոնք կարող են առաջանալ Սիրիայից ամերիկյան զինուժի դուրսբերումից հետո։ Ըստ ամերիկյան հայտնի պարբերականի՝ նման վտանգներից է օրինակ այն, որ ամերիկյան զինուժի հեռանալուց հետո այդ տարածքներ կարող են վերադառնալ «Իսլամական պետություն» ահաբեկչական կազմակերպության զինյալները։

Եվրոպացի դիվանագետն, (ում անունը չի հրապարակվում) մեկնաբանելով ամերիկյան պարբերականի լուրը, նշել է, որ թեև ամերիկյան կողմը Բրիտանիայի, Ֆրանսիայի հետ սկսել է նման բանակցություններ, այնուամենայնիվ առայժմ այդ երկրներից ոչ մեկը նման պատասխանատվություն չի ստանձնել։ Ըստ նրա՝ այդ ուղղությամբ բանակցությունները շարունակվում են։

Աղբյուր` Yeniçağ Gazetesi

Այս ենթաբաժնի վերջին նորությունները

16:22, 26 օգոս

Աշխարհի 50 ամենագեղեցիկ գյուղերի ցանկում կա նաև գյուղ Թուրքիայից

50 գյուղից կաղմված ցանկում Թուրքիայի Օրթահիսարը զբաղեցրել է 40-րդ հորիզոնականը։

13:28, 26 օգոս

Ստամբուլի ջրամբարների լցվածությունը վերջին շաբաթում ռեկորդային չափով նվազել է

Ապրիլին ջրամբարների լցվածությունը կազմում էր 82 տոկոս իսկ հիմա՝ հազիվ 24 տոկոս։

21:14, 25 օգոս

Էրդողան․ «Զանգեզուրի անցումը մեր ողջ տարածաշրջանի համար խաղաղության նախագիծ է»

Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա: