Գերմանիան շարունակում է կրճատել Թուրքիային զենքի վաճառքի ծավալները

Ռազմական14:08, 30 Հունվար 2019

Գերմանիան շարունակում է կրճատել Թուրքիային զենքի վաճառքի ծավալները

Գերմանիայի դաշնային կառավարությունը Թուրքիային զենք վաճառելու թույլտվություն տալու ժամանակ անպայման հաշվի է առնում քրդական ջոկատների դեմ կամ տարածաշրջանային կոնֆլիկտներում այդ զենքերի կիրառման ռիսկը:

Այսպիսի տեղեկություն է հրապարակել երկրի ֆինանսների նախարարությունը՝ ի պատասխան «Ձախերի» կուսակցության խորհրդարանական խմբակցության գրավոր հարցմանը:

Նախարարության գրավոր պարասխանի մեջ խոսվել է նաև Մերկելի կառավարության կողմից վերջին շրջանում Թուրքիային զենքի վաճառքի հարցում կիրառվող սահմանափակումների այլ պատճառների մասին ևս: Շեշտվել է, որ կառավարությունն այդ հարցում ծայրաստիճան պատասխանատու քաղաքականություն է վարում:

«Գերմանական ընկերությունների՝ Թուրքիայի զենք կամ ռազմական տեխնիկա վաճառելու դիմումները կառավարությունը մեկ առ մեկ քննում է Գերմանիայի արտաքին ու անվտանգության շահերը հաշվի առնելով»,- ասվում է պատասխանի մեջ ու ավելացվում, որ առանց այդ էլ Թուրքիայում 2016 թվականի ռազմական հեղաշրջմանը հաջորդած ներքաղաքական զարգացումների պատճառով խստացվել էր այդ երկրին զենքի վաճառքի պայմանները:

Նշվում է, որ հաշվի առնելով վերջին շրջանում Սիրիայի հյուսիսում Թուրքիայի գործողությունները՝ Գերմանիայի կառավարությունը հավանություն է տալիս միայն ռազմածովային ուժերի կարիքների համար անհրաժեշտ ռազմական տեխնիկայի վաճառքին: Մատակարարումների մի մասն էլ կազմում են ավելի վաղ տրված թույլտվությունների հիման վրա իրականացվողները:

Հաղորդվում է, որ 2016 թվականին Գերմանիայի կառավարությունը Թուրքիային 83 մլն եվրոյի ռազմամթերք վաճառելու թույլտվություն է տվել: 2017-ին այդ թիվը կտրուկ նվազել է հասնելով 34 մլն եվրոյի, իսկ 2018 թվականի մատակարարումների գումարը կազմել են ընդամենը 10.1 մլն եվրո:

Աղբյուր` Demokrathaber

Այս ենթաբաժնի վերջին նորությունները

16:09, 26 օգոս

Թուրքիան մտադիր է դառնալ աշխարհում 5-րդ սերնդի կործանիչ արտադրող 4-րդ երկիրը

Ամերիկյան «The National Interest» ամսագիրը վերլուծություն է իրականացրել թուրքական արտադրության «KAAN» կործանիչների վերաբերյալ:

15:28, 25 օգոս

Հանդիպել են Թուրքիայի և Լիբիայի ռազմական պատվիրակությունները

Հանդիպումը կայացել է «մեկ Լիբիա, մեկ բանակ» կարգախոսի ներքո իրականացվող համատեղ աշխատանքների շրջանակներում։

16:11, 20 օգոս

Թուրքիան և Ճապոնիան մտադիր են խորացնել ռազմական համագործակցությունը

Թուրքիայի ՊՆ ղեկավարն Անկարայում հանդիպում է ունեցել իր ճապոնացի պաշտոնակցի հետ։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Թուրքիայում պահանջում են վերականգնել հայկական կիսակառույց եկեղեցին

Մուսա լեռան ստորոտին կառուցված եկեղեցին դարձել է լուսանկարիչների և նորապսակների սիրելի վայրերից մեկը։

Էրդողան․ «Զանգեզուրի անցումը մեր ողջ տարածաշրջանի համար խաղաղության նախագիծ է»

Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա: