Թուրքիայի զինուժը կրկին կրակ է բացել Սիրիայի քրդական ուժերի վրա

Տարածաշրջան12:28, 25 Հունվար 2019

Թուրքիայի զինուժը կրկին կրակ է բացել Սիրիայի քրդական ուժերի վրա

Հունվարի 25-ի գիշերը Թուրքիայի զինված ուժերը նորից հրետակոծել են Սիրիայի Թել Ռըֆաթ քաղաքը, որը գտնվում է Սիրիայի քրդական «Ժողովրդի ինքնապաշտպանության ուժերի» (YPG) վերահսկողության տակ արդեն 3 տարի: Հրետակոծության նպատակը եղել է քաղաքում տեղակայված քրդական հենակետերի ոչնչացումը: Աղբյուրը չի հաղորդում որքան վնաս է հասցվել քրդերին։

Թուրքական աղբյուրը, անդրադարձ կատարելով Սիրիայի քրդերի նպատակներին, նշում է, որ քուրդ զինյալները Սիրիայում նպատակ ունեին իրենց վերահսկողության տակ գտնվող շրջանները միավորել։ Նրանք նախատեսում էին Թել Ռըֆաթը և Մանբիչը միացնել իրար։

2016թ., սակայն, Թուրքիայի զինուժի կողմից ձեռնարկված «Եփրատի վահան» ռազմական օպերացիայի հետևանքով, որն ընդգրկեց նաև Էլ Բաբ շրջանը, Մանբիչի և Թել Ռըֆաթի միավորման փորձը կանխվեց:

Հիշեցնենք, որ Թել Ռըֆաթում YPG-ի հենակետերի հրետակոծումը սկսվել էր դեռևս հունվարի 24-ից։

Աղբյուր` My net

Այս ենթաբաժնի վերջին նորությունները

16:22, 26 օգոս

Աշխարհի 50 ամենագեղեցիկ գյուղերի ցանկում կա նաև գյուղ Թուրքիայից

50 գյուղից կաղմված ցանկում Թուրքիայի Օրթահիսարը զբաղեցրել է 40-րդ հորիզոնականը։

13:28, 26 օգոս

Ստամբուլի ջրամբարների լցվածությունը վերջին շաբաթում ռեկորդային չափով նվազել է

Ապրիլին ջրամբարների լցվածությունը կազմում էր 82 տոկոս իսկ հիմա՝ հազիվ 24 տոկոս։

21:14, 25 օգոս

Էրդողան․ «Զանգեզուրի անցումը մեր ողջ տարածաշրջանի համար խաղաղության նախագիծ է»

Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա: