Դեմիրթաշ. «Ինձ կալանքի տակ պահող դատարանը ԻՊ-ի պարագլուխներից մեկին բաց է թողել»

Իրավական13:21, 23 Հունվար 2019

Դեմիրթաշ. «Ինձ կալանքի տակ պահող դատարանը ԻՊ-ի պարագլուխներից մեկին բաց է թողել»

Անկարայի ծանր հանցագործությունների 19-րդ դատարանում տեղի է ունեցել Թուրքիայի քրդամետ «Ժողովուրդների դեմոկրատական» կուսակցության (HDP-ԺԴԿ) նախկին համանախագահ Սելահաթթին Դեմիրթաշի դատավարության հերթական նիստը:

Դեմիրթաշը հանդես է եկել պաշտպանական ճառով: Նա մեղադրվում է «ահաբեկչական կազմակերպություն հիմնելու և ղեկավարելու», «ահաբեկչական կազմակերպության օգտին քարոզչություն անելը», «հանցագործությունն ու հանցագործին գովելու» հոդվածներով: Եվ ընդհանուր առմամբ 142 տարվա բանտարկություն է սպառնում Դեմիրթաշին: Վերջինս նկատել է տվել, որ դատարաններն իրեն դատելու գործում ամենասկզբից քաղաքական մոտեցում են արտահայտել:

«Իշխանությունները, ի դեմս ԱԶԿ-ի (իշխող «Արդարություն և զարգացում» կուսակցության) ղեկավարի, մինչև այժմ շարունակում են ինձ մեղադրել: Իմ դատավարությունը մեդիայով է իրականացվում, հասարակության մեջ է իրականացվում. իշխանությունն է իրականացնում: Պաշտպանությունս արդեն այդ համատեքստում եմ կառուցելու»,- ասել է 2 տարուց ավել անազատության մեջ պահվող քուրդ կուսակցապետը:

Դեմիրթաշն այնուհետև ուշադրություն է հրավիրել կալանավորված ԺԴԿ-ական պատգամավոր Լեյլա Գյուվենի՝ Իմրալը կղզում ցմահ դատապարտված Աբդուլլահ Օջալանին հարազատների հետ տեսակցելու թույլտվություն տրամադրելու համար արդեն 76 օր ձգվող հացադուլին: Դեմիրթաշը արդարացի է համարել Գյուվենի պահանջը և ողջունել տարբեր մեկուսարաններում հացադուլ հայտարարած իրենց կալանավորված ընկերներին:

Քուրդ գործիչը հայտարարել է, որ խորհրդարանն իրեն և ընկերներին անձեռնմխելիությունից զրկելիս չի ուսումնասիրել իրենց գործերը և անձեռնմխելիությունից զրկել է հակասահմանադրական ճանապարհով:

«Ինձ կալանքի տակ պահող դատարանը 1.5 մլն գլխագնով փնտրվող ԻՊ-ի պարագլուխներից Այշենուր Ինջիին ազատ է արձակել՝ որպես խափանման միջոց կիրառելով ստորագրությունը չհեռանալու մասին: Փաստորեն դատարանը բարձրաստիճան ԻՊ-ականի նույնիսկ մեկ օր կալանավորված մնալը իրավունքի խախտում է համարել: Նրան հանդեպ Ձեր դիրքորոշումն այդպիսինն է, իմ հանդեպ՝ այսպիսինը: Ահա սա է խնդիրը»,- իր պաշտպանական խոսքում ասել է Դեմիրթաշը:

Աղբյուր` Cumhuriyet

Այս ենթաբաժնի վերջին նորությունները

14:33, 21 օգոս

Թուրքիան նոր քայլեր է ձեռնարկում Իսրայելի դեմ

Թուրքիայի նավահանգիստ այցելող նավերից կպահանջվեն փաստաթղթեր, որոնցում նշված կլինի, որ նրանք ռազմական բեռներ չեն տեղափոխում Իսրայել։

09:45, 14 օգոս

Թուրքիայում գլխավոր ընդդիմադիր կուսակցապետի նկատմամբ հետաքննություն է սկսվել

Օզգյուր Օզելը մեղադրվում է Թուրքիայի նախագահին վիրավորելու մեջ:

13:21, 12 օգոս

Թուրքիայում քրդերեն խոսելու համար ընտանիքը ծեծի է ենթարկվել

Միջադեպը տեղի է ունեցել օգոստոսի 11-ին, երբ ընտանիքը վերադառնում էր ճամփորդությունից։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Թուրքիայում պահանջում են վերականգնել հայկական կիսակառույց եկեղեցին

Մուսա լեռան ստորոտին կառուցված եկեղեցին դարձել է լուսանկարիչների և նորապսակների սիրելի վայրերից մեկը։

Էրդողան․ «Զանգեզուրի անցումը մեր ողջ տարածաշրջանի համար խաղաղության նախագիծ է»

Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա: