Քաղաքական09:20, 23 Հունվար 2019
Ֆեթուլլահ Գյուլենն ԱՄՆ-ից արտաքսվելուց հետո կարող է ապաստանել Եգիպտոսում

Թուրքիայում ոստիկանական ակադեմիայի հրատարակչության պատրաստած «Միջազգային սպառնալիք համարվող ֆեթուլլահական ահաբեկչական խմբավորումը» զեկույցում նշվում է, որ գյուլենական համայնքի ղեկավար` Ֆեթուլլահ Գյուլենը ԱՄՆ-ից արտաքսվելու դեպքում ապաստան կգտնի Եգիպտոսում:
Ըստ զեկույցի` եթե դիտարկվում է Թուրքիայում ահաբեկչական համարվող «Ֆեթուլլահական կազմակերպության» Եգիպտոսում ծավալած գործունեությունը և հիմադրած կառույցները, ապա պարզ է դառնում, որ այդ կազմակերպությունը հետախուզական նպատակներով oգտագործվում է տարբեր երկրների դեմ, մասնավորապես Թուրքիայի:
«2013թ. հուլիսի 3-ին, երբ Եգիպտոսի պաշտպանության նախարարը և գլխավոր շտաբի պետ Աբդուլֆեթահ Սիսիի ղեկավարած հեղաշրջման արդյունքում նախագահ Մուհամեդ Մուրսին պաշտոնանկ եղավ, Թուրքիայի և Եգիպտոսի հարաբերությունները սրվեցին: Այդ լարվածությունից օգտվող «FETÖ»-ն, Եգիպտոսին հետախուզական տվյալներ փոխանցելով, ուժեղացրեց հարաբերությունները Սիսիի իշխանության հետ»,-ասվում է զեկույցում:
Զեկույցում նշվում է, որ պատահական չէ, որ Թուրքիայում տեղի ունեցած 2016թ. հուլիսի 15-ի հեղաշրջման փորձից հետո հոկտեմբերի 19-ին «Իսլամական հետախուզական կազմակերպության» կողմից ներկայացված նախագծում, որտեղ ֆեթթուլահական կազմակերպությունը ներառվում էր ահաբեկչական ցանկում, Եգիպտոսը չեզոքություն ցուցաբերեց:
Զեկույցում տեղ գտած պնդումների համաձայն` երկար տարիներ գյուլենական համայնքի` Եգիպտոսում ծավալած գործունեությունները ամրապնդել են կապը տեղի հետախուզական կազմակերպությունների հետ:
ԱՄՆ-ից հետո Եգիպտոսում ապաստան գտնելու ենթադրության համար հիմք է ծառայում այն հանգամանքը, որ օրինակ Թուրքիայում տեղի ունեցած հեղաշրջման փորձից հետո կազմակերպությունը ժողովներ է անցկացրել Եգիպտոսում: Այս շարքին են դասվում նաև գյուլենական համայնքի անդամների` Եգիպտոսի հեռուսատաալիքներում հնչեցրած հակաթուրքական, հեղաշրջման փորձը սատարող մենաբանությունները:
Բացի այդ պնդումներ կան, որ տարածաշրջանային իրադարձությունների վերաբերյալ կազմակերպությունը նոր ռազմավարություններ է մշակել:
Հիշեցնենք, որ գյուլենական համայնքի առաջնորդ, իսլամի քարոզիչ ամերիկաբնակ միլիարդատեր Ֆեթուլլահ Գյուլենը մեղադրվում է Թուրքիայում 2016-ի հուլիսին ռազմական հեղաշրջման փորձ նախաձեռնելու մեջ:
Այս ենթաբաժնի վերջին նորությունները

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։
Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հրդեհաշիջման աշխատանքներին ներգրավված է 6 ուղղաթիռ և 2 ինքնաթիռ, սակայն այն մարել դեռևս չի հաջողվում։
Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։
Արտգործնախարարները քննարկել են Ալյասկայում կայացած Թրամփ-Պուտին հանդիպումը։
Թուրքիայի նախագահն անդրադարձել է Թրամփ-Պուտին հանդիպմանը։
Թուրքիայի վիճակագրական կոմիտեն հրապարակել է «Սոցիալ-տնտեսական մակարդակ» ուսումնասիրության արդյունքները։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |