Էրդողան.«Թուրքիա-Ռուսաստան համագործակցությունը հույժ կարևոր է Սիրիայի ճգնաժամի լուծման համար»

Քաղաքական07:42, 16 Հունվար 2019

Էրդողան.«Թուրքիա-Ռուսաստան համագործակցությունը հույժ կարևոր է Սիրիայի ճգնաժամի լուծման համար»

Թուրքիայի նախագահ Ռեջեփ Թայիփ Էրդողանը ռուսական «Kommersant» թերթում հոդված է հրապարակել՝ վերնագրելով այն «Թուրքիա-Ռուսաստան համագործակցությունը հույժ կարևոր է Սիրիայի ճգնաժամի լուծման համար»:

Էրդողանը հոդվածում, անդրադառնալով ահաբեկչության դեմ պայքարին, նշել է. «Ահաբեկչության դեմ պայքարելու համար ոչ ոքից թույլտվություն չենք հարցնելու: Երբ պայմանները հասունանան, մենք մեզ իրավունք կվերապահենք թիրախավորել Սիրիայի տարածքից մեր երկրին սպառնացող ահաբեկիչներին»:

Էրդողանն ընդգծել է, որ Թուրքիան Սիրիայի քրդերի կամ Սիրիայում ապրող մյուս էթնիկ խմբավորումների հետ ոչ մի խնդիր չունի:

«Մասնավորապես Ամերիկայում շրջանառվող «Թուրքիան քրդերին կկոտորի, եկեք մեր դաշնակիցներին անպաշտպան չթողնենք» անհիմն պնդումներն իրական չեն և ընդամենը արտահայտում են մի շարք շահակիրների տեսակետները»,-գրել է Էրդողանը:

Թուրքիայի նախագահի խոսքով` սիրիական ճգնաժամը կարող են լուծել միայն այն երկրները, որոնք անհանգստացած են սիրիական խնդրով:

Էրդողանը, ուշադրություն հրավիրելով սիրիական հարցով Աստանայի գործընթացի շրջանակում Ռուսաստանի հետ ձեռք բերված համաձայնությունների վրա, ցանկություն է հայտնել շարունակել գործակցությունը Ռուսաստանի հետ:

«Օրինակ նախորդ տարի Իդլիբի շուրջ ձեռք բերված համաձայնագիրը և առհասարակ Ռուսաստանի հետ մեր համատեղ աշխատանքը պարզորոշ ցույց են տալիս, որ լուրջ նշանակություն են ունեցել ոչ միայն մեր երկու երկրների համար, այլև Սիրիայի ժողովրդի շահերի պաշտպանության տեսանկյունից»:

Աղբյուր` Diken

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։