Թուրքիան խաթարում է կայունությունը Լիբիայում. երկրի խորհրդարանը միջոցներ կձեռնարկի Անկարայի դեմ

Քաղաքական11:17, 16 Հունվար 2019

Թուրքիան խաթարում է կայունությունը Լիբիայում. երկրի խորհրդարանը միջոցներ կձեռնարկի Անկարայի դեմ

Լիբիայի նավահանգիստներից մեկում հունվարի 8-ին առգրավվել է Թուրքիայից այդ երկիր ուղարկված զենքի ևս մեկ խմբաքանակ: Ըստ Լիբիայի մաքսային ծառայության հայտարարության՝ Թուրքիայից երկրի Միսրաթա նավահանգիստ ուղարկված մանկական խաղալիքների ու կահույքի մեջ թաքցված 556 փաթեթներում 20.000 ատրճանակ է հայտնաբերվել: Լիբիայի իշխանությունների տեղեկություններով զենքերը փոխանցվում են երկրի ներսում գործող ահաբեկիչներին:

Թեմայի վերաբերյալ «Sputnik» գործակալությանը տված հարցազրույցում Լիբիայի խորհրդարանի մամուլի քարտուղար Ֆաթիհ ալ-Մարյամին հայտարարել է, որ Թուրքիան նմանատիպ քայլերով ցանկանում է խաթարել կայունությունը Լիբիայում: Ալ-Մարյամին ավելացրել է, որ առաջիկայում խորհրդարանը համապատասխան քայլեր կձեռնարկի Թուրքիայի հետ հարաբերությունների մասով:

«Լիբիայի խորհրդարանի պաշտպանության հանձնաժողովը և ներքին ու արտաքին անվտանգության հանձնաժողովը Թուրքիայի հետ հարաբերությունների համատեքստում մի շարք քայլեր կիրականացնեն: Դա կլինի խորհրդարանի հաջորդ նիստի ընթացքում: Թուրքիան ցանկանում է խաթարել կայունությունը Լիբիայում. զենքի մատակարարումներով ու երիտասարդներին մոլորեցնող տեղեկատվության տարածումով քաոսի սերմեր է ցանում»,- ասել է Լիբիացի պաշտոնյան:

Ավելի վաղ էլ Լիբիայի պաշտպանության նախարարությունը հայտարարել էր դեկտեմբերի 17-18-ին Լիբիայի Հոմս նավահանգստից Թուրքիայից ուղարկված զենք-զինամթերքի 2 մեծ խմբաքանակ առգրավելու մասին: Ըստ Լիբիայի ՊՆ-ի՝ այդ անօրինական զենքը նախատեսվում էր օգտագործել երկրում ահաբեկչական հարձակումներ կազմակերպելու նպատակով:

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։