Թուրքիայի 6 տեսարժան վայր ընդգրկվել է «National Geographic»-ի գրքում (լուսանկարներ)

Մշակութային09:13, 16 Հունվար 2019

Թուրքիայի 6 տեսարժան վայր ընդգրկվել է «National Geographic»-ի գրքում (լուսանկարներ)

«National Geographic»-ը գիրք է հրատարակել աշխարհի այն տեսարժան վայրերի մասին, որոնք ցանկալի է այցելել մեռնելուց առաջ։ Գրքում տեղ են գտել 225 հայտնի և անհայտ, ձեռակերտ և բնական հրաշալիքներ։

Գրքում Թուրքիայից տեղ է գտել պատմամշակութային և աշխարահագրական 6 վայր՝ Այա Սոֆիայի տաճարը, Մարդինի Արթուքլու շրջանը, Գյոբեքթեփեի (պատմական հայկական Պորտասար՝ խմբ․) ավերակները, Տրապիզոնի հունական ուղղափառ Սյումելա Մենաստանը, Ստամբուլի Եգիպտական շուկան և Կապադովկիայի Արգոս հյուրանոցը։

«Վայրեր, որոնք պետք է տեսնել մինչև մեռնելը» անվամբ 319 էջանոց գրքում Այա Սոֆիայի տաճարը բնութագրվում է որպես «երբևէ կառուցված ամենահրաշակերտ կառույց»։ Նշվում է, որ որպես աղոթատեղի կառույցը բացվել է մ․թ․ 537 թվականին և իր պատմության ընթացքում միավորել է քրիստնեական ու իսլամական ավանդույթների տարրերը։

Գրքում տեղ են գտել Այա Սոֆիայի 2, Մարդինի՝ 3 լուսանկար։ Մարդինը հեղինակների ուշադրությունը գրավել է իր բազմաթիվ ուղղափառ մենաստաններով ու Անատոլիայի ամենահին բաղնիքներով։ «Գլխապտույտ առաջացնող Մարդինը Սիրիական անապատին վերևից նայող փայլուն թագի պես բազմել է բարձունքին», -նկարագրվում է գրքում։

Գյոբեքլիթեփեի ավերակներն ընդգրկվել են աշխարհի ամենահին վայրերի ցանկում։ Այս հնավարի պատմությունը սկիզբ է առնում Ք. Ա. 10-րդ հազարամյակից։ Այստեղ է գտնվում աշխարհում ամենահինը համարվող տաճարը, որի կանգուն սյուներին էկզոտիկ բույսեր ու կենդանիների պատկերներ են քանդակված։ Տարածքում նաև անտիկ շրջանի մարդկանց ֆիգուրներ են հայտնաբերվել։

Գրքում Սյումելա վանական համալիրը ներառվել է լեռնային մենաստանների, Արգոսի հյուրանոցը՝ աշխարհի ամենահիասքանչ հյուրանոցների, իսկ Եգիպտական շուկան՝ աշխարհի ամենամեծ շուկաների ցանկում։

Աղբյուր` ntv.com.tr

Այս ենթաբաժնի վերջին նորությունները

14:50, 25 օգոս

Թուրքիայում պահանջում են վերականգնել հայկական կիսակառույց եկեղեցին

Մուսա լեռան ստորոտին կառուցված եկեղեցին դարձել է լուսանկարիչների և նորապսակների սիրելի վայրերից մեկը։

11:35, 21 օգոս

«Հրանտ Դինք» և «Գալուստ Գյուլբենկյան» հիմնադրամները կազմակերպելու են արևմտահայերենի դասեր

Մեկնարկում է 2025-2026թթ․ արևմտահայերենի ուսումնառության ծրագրի 1-ին փուլը։ Դասընթացները սկսվելու են սեպտեմբերի 22-ին և տևելու՝ 18 շաբաթ։

15:44, 05 օգոս

Թուրքիայում փորձել են հրկիզել Սուրբ Սոֆիա տաճարը (Տեսանյութ)

Մզկիթում այրվող գիրքն ու գորգը նկատել է մի կին և սկսել բղավել։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Թուրքիայում պահանջում են վերականգնել հայկական կիսակառույց եկեղեցին

Մուսա լեռան ստորոտին կառուցված եկեղեցին դարձել է լուսանկարիչների և նորապսակների սիրելի վայրերից մեկը։

Էրդողան․ «Զանգեզուրի անցումը մեր ողջ տարածաշրջանի համար խաղաղության նախագիծ է»

Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա: