Քաղաքական07:55, 16 Հունվար 2019
Հայտնի են դարձել Անկարայի՝ Սիրիայի հյուսիսում անվտանգության գոտի հիմնելու ծրագրի մանրամասները
Սիրիայի հյուսիսում Թուրքիայի վերահսկողությամբ անվտանգության գոտի պետք է հիմնվի: Այս մասին հայտնի դարձավ ԱՄՆ-ի ու Թուրքիայի նախագահների՝ նախօրեին կայացած հեռախոսազրույցից:
Թեմայի վերաբերյալ Թրամփը Twitter-ում կատարած գրառմամբ տեղեկացրել էր, որ անվտանգության գոտին ունենալու է 32 կմ խորություն:
Թուրքական «Sabah» իշխանամետ թերթի կայքում որոշ մանրամասներ է ներկայացվել այդ անվտանգության գոտու թուրքական ծրագրի վերաբերյալ, որն ըստ էության հանդիսանում է Սիրիայի հյուսիս, այսինքն Եփրատ գետից արևելք ընկած տարածքներ ներխուժելու պլանի այլընտրանքը:
Ըստ թուրքական աղբյուրի՝ Թուրքիայի ծրագիրն այսպիսինն է.
«1. Առավել նախընտրելի է, որ անվտանգության գոտու սահմանները հայտարարվեն ՄԱԿ-ի և ՆԱՏՕ-ի կողմից: Դրանով անվտանգության գոտու հիմնումը միջազգային լեգիտիմություն կունենա:
2. Անվտանգության գոտու հիմնական նպատակը պետք է լինի Թուրքիայում ապաստանած սիրիացի փախստականներին հայրենիք վերադարձնելը, տարածաշրջանը «ահաբեկչությունից» (այս ձևակերպման տակ թուրքական կողմը սովորաբար ներառում է նաև սիրիայի հյուսիսի քրդական ուժերին-խմբ.) մաքրելը, ահաբեկչական ուժերի կրկին տարածաշրջան մուտքը կանխելը, քաղաքացիական բնակչության անվտանգությունն ապահովելը:
3. Տարածաշրջանից ԱՄՆ-ի զինուժի դուրս գալուց հետո այդ շրջաններում Թուրքիան պետք է հաստատի իր ներկայությունը:
4. Անվտանգության գոտին պետք է վերահսկվի Թուրքիայի զինված ուժերի և «Սիրիայի ազատ բանակ»-ի (Թուրքիայի կողմից հովանավորվող Սիրիայի կառավարությանն ընդդիմադիր զինված խմբավորում-խմբ.) կողմից:
5. Անվտանգության գոտում թռիչքների համար արգելված հատվածներ են հիմնվելու, որով ահաբեկչական կազմակերպությանը չի տրվի պաշտպանվելու հնարավորություն:
6. Թուրքիան կարողանալու է անհապաղ միջամտություն ցույց տալ ահաբեկչական հարձակումների դեպքում:
7. Անվտանգության գոտին հիմնվում է Ասադի դաժան ռեժիմի և ահաբեկչական կազմակերպությունների դեմ:
8. Երկրոդ քայլը լինելու է քաղաքացիական բնակչության տեղաբաշխման նախագիծն իրականացնելը:
9. Անվտանգության գոտու ներսում ազատագրված քաղաքներում բնակեցվելու են այդ տարածաշրջանի բնակիչները:
10. Կառավարումն իրականացվելու է տեղի բնակչության ձևավորած խորհուրդների կողմից»:
Ավելացնենք, որ Սիրիայի հյուսիսում իր վերահսկողությունը հաստատելու Թուրքիայի հիմնական մոտիվացիան այն է, որ տեղի քրդական ուժերին զրկի հզորանալու, ինչպես նաև հետագայում պետական միավորում կամ ինքնավարություն հիմնելու հնարավորությունից:
Այս ենթաբաժնի վերջին նորությունները
Թուրքական մեդիայում մեծ տարածում են գտել Թուրքիայի նախագահ Ռեջեփ Թայիփ Էրդողանի առաջիկա օրերին ԺՀԿ առաջնորդի հետ հանդիպման մասին լուրերը:
Անկարայի համալսարարանը նշում է, որ ցույցերին մասնակցած համալսարականները ձերբակալվում են և համալսարանում բողոքի ցույցերը դադարեցնելու համար՝ բուհերն անցնում են հեռավար կրթության։
Հանդիպման օրակարգում են եղել երկկողմ հարաբերություններն ու տարածաշրջանային և միջազգային զարգացումները:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Առաջնահերթ հարցն ուղղակի սա է. հարգանք ցուցաբերել հայ հանրության ցավի, ցեղասպանության կորուստների նկատմամբ...
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |