«Ինչու՞ բեղեր չունես». Էրդողանի հարցը քաղաքապետի թեկնածուին

Տարածաշրջան12:06, 15 Հունվար 2019

«Ինչու՞ բեղեր չունես». Էրդողանի հարցը քաղաքապետի թեկնածուին

Մարտի 30-ին Թուրքիայում կայանալիք տեղական ինքնակառավարման մարմինների (ՏԻՄ) ընտրություններին ընդառաջ նախագահ Ռեջեփ Թայիփ Էրդողանը ներկայացրել է իր գլխավորած «Արդարություն և զարգացում կուսակցության» (AKP-ԱԶԿ) Քոջաելի նահանգի թեկնածուներին:

Այդ ժամանակ Էրդողանն անսպասելի հարց է ուղղել Քոջաելիի Բաշիսքելե քաղաքի քաղաքապետի թեկնածու առաջադրված Մեհմեթ Յասին Օզլուին:

- Յասի՛ն, դու ինչու՞ բեղեր չունես:

- Կպահեմ, իմ պարո՛ն,- պատասխանել է քաղաքապետի թեկնածուն:

Նշենք, որ վերջին տարիներին Թուրքիայի կառավարության անդամների ու իշխող կուսակցության պատգամավորների շրջանում նորաձև է դարձել Էրդողանի պես բեղեր պահելը: Թուրքական մամուլում պարբերաբար տեղեկություններ են շրջանառվում այն մասին, որ Էրդողանն անձամբ է կառավարության որոշ անդամների հորդորել բեղ պահել:

Ավելացնենք, որ բեղ պահելու սիրահար Էրդողանը ժամանակին կորցրել է իր պաշտոնը բեղերը սափրելուց հրաժարվելու համար:

1980 թվականին ռազմական հեղաշրջման օրերին, երբ Էրդողանն աշխատում էր Ստամբուլի տրանսպորտի քաղաքային խորհրդում, նրա պետը հրամայում է սափրել բեղերը: Էրդողանը հրաժարվում է կատարել վերադասի հրահանգը, ինչ արդյունքում հեռացվում է աշխատանքից։

Աղբյուր` Mynet

Այս ենթաբաժնի վերջին նորությունները

16:22, 26 օգոս

Աշխարհի 50 ամենագեղեցիկ գյուղերի ցանկում կա նաև գյուղ Թուրքիայից

50 գյուղից կաղմված ցանկում Թուրքիայի Օրթահիսարը զբաղեցրել է 40-րդ հորիզոնականը։

13:28, 26 օգոս

Ստամբուլի ջրամբարների լցվածությունը վերջին շաբաթում ռեկորդային չափով նվազել է

Ապրիլին ջրամբարների լցվածությունը կազմում էր 82 տոկոս իսկ հիմա՝ հազիվ 24 տոկոս։

21:14, 25 օգոս

Էրդողան․ «Զանգեզուրի անցումը մեր ողջ տարածաշրջանի համար խաղաղության նախագիծ է»

Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա: