Թուրքիայի նախագահականն արձագանքել է Թրամփի կոշտ հայտարարությանը

Տարածաշրջան10:32, 14 Հունվար 2019

Թուրքիայի նախագահականն արձագանքել է Թրամփի կոշտ հայտարարությանը

Թուրքիայի նախագահականի հանրային կապերի բաժնի ղեկավար Ֆահրեթթին Ալթունն արձագանքել է Թուրքիայի վերաբերյալ ԱՄՆ-ի նախագահ Դոնալդ Թրամփի հայտարարությանը։ Ինչպես հայտնի է, Թրամփը սպառնացել էր ավերել Թուրքիայի տնտեսությունը, եթե Անկարան նոր ռազմական գործողություններ սկսի Սիրիայի քուրդ զինյալների դեմ, որոնց համարում է ահաբեկիչներ։

«Թուրքիայի Հանրապետությունը ոչ թե քրդերի թշնամին է, այլ պաշտպանը։ Թուրքիան քրդերի հետ կապված որևէ խնդիր չունի։ Մեր խնդիրը «Քուրդիստանի բանվորական կուսակցության» (ՔԲԿ-PKK) և վերջինիս Սիրիայում գործող թևերի (PYD) հետ է։ Սիրիայի քրդական ուժերը ահաբեկչական ուժեր են։ Թուրքիան շարունակելու է վճռականորեն պայքարել ահաբեկչության դեմ»,-սոցցանցում է գրել է Ալթունը։

Հիշեցնենք, որ Թուրքիան տարբերություն չի դնում Սիրիայի քրդական ուժերի և PKK-ի միջև և երկուսին էլ համարում է ահաբեկչական կազմակերպություններ։ Իր հերթին Վաշինգտոնը տարբերություն է դնում այդ երկու կառույցների միջև և ահաբեկչական է համարում միայն PKK-ին։

ԱՄՆ-ն նույնիսկ Սիրիայի քրդական ուժերի հետ համագործակցել է «Իսլամական պետություն» (ԻՊ) ահաբեկչական կազմակերպության դեմ պայքարում, օրինակ՝ Ռաքքա քաղաքի ազատագրման ժամանակ։ Այդ ամենը մեծապես զայրացնում է թուրքերին, որոնք այժմ պատրաստվում են նոր ռազմական գործողություններ սկսել քրդերի դեմ, ինչին ԱՄՆ-ն դեմ է։

Աղբյուր` A haber

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։