Յըլդըրըմի որդիների մասին սկանդալային լուր հրապարակած լրագրողը հայտնվել է բանտում

Իրավական06:14, 11 Հունվար 2019

Յըլդըրըմի որդիների մասին սկանդալային լուր հրապարակած լրագրողը հայտնվել է բանտում

Ստամբուլի դատարանը թուրքական ընդդիմադիր «Cumhuriyet» թերթի նախկին թղթակից Փելին Ունքերին դատապարտել է 1 տարի և 1 ամսվա ազատազրկման և պարտավորեցրել վճարել մոտ 8600 լիրա (1500 դոլար) փոխհատուցում:

Պատճառն այն է, որ Ունքերը «Cumhuriyet»-ում Թուրքիայի նախկին վարչապետ Բինալի Յըլդըրըմի (այժմ Թուրքիայի Ազգային ժողովի նախագահ) որդիների օֆշորային սկանդալում ներգրավվածության մասին լուրեր էր հրապարակել:

Ինչպես հայտնի էր դարձել ավելի վաղ «Paradise Papers» անվանումը ստացած փաստաթղթերի հրապարակումից հետո օֆշորային սկանդալի կենտրոնում էին հայտնվել Թուրքիայի վարչապետ Բինալի Յըլդըրըմը և նրա որդիները: Փաստաթղթերից հայտնի էր դարձել որ վարչապետի որդիները՝ Էրքամ Յըլդըրըմը, Բյուլենթ Յըլդըրըմը Մալթայում ունեն 5 ընկերություններ (Hawke Bay Marine Co, Black Eagle Marine, South Seas Shipping N.V., Dertel Shipping Limited, Nova Warrior Limited.): Պարզվել էր նաև, որ Յըլդըրըմի որդիներից բացի նրա հորեղբայր Յըլմազ Յըլդըրըմը նույնպես օֆշորային գոտում իր անվամբ գրանցված 2 ընկերություն ունի:

Կայացրած որոշումից հետո լրագրողներից հետ զրույցում Ունքերը ասել է, որ վճիռն անարդար է, ինքը կատարել է իր լրագրողական պարտականությունները և պահանջելու է, որ իրեն արդարացնեն:

Թուրք թղթակիցը ազատազրկման է դատապարտվել «պետական ծառայողին վիրավորելու» հոդվածով:

Աղբյուր` Cumhuriyet

Այս ենթաբաժնի վերջին նորությունները

14:33, 21 օգոս

Թուրքիան նոր քայլեր է ձեռնարկում Իսրայելի դեմ

Թուրքիայի նավահանգիստ այցելող նավերից կպահանջվեն փաստաթղթեր, որոնցում նշված կլինի, որ նրանք ռազմական բեռներ չեն տեղափոխում Իսրայել։

09:45, 14 օգոս

Թուրքիայում գլխավոր ընդդիմադիր կուսակցապետի նկատմամբ հետաքննություն է սկսվել

Օզգյուր Օզելը մեղադրվում է Թուրքիայի նախագահին վիրավորելու մեջ:

13:21, 12 օգոս

Թուրքիայում քրդերեն խոսելու համար ընտանիքը ծեծի է ենթարկվել

Միջադեպը տեղի է ունեցել օգոստոսի 11-ին, երբ ընտանիքը վերադառնում էր ճամփորդությունից։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Թուրքիայում պահանջում են վերականգնել հայկական կիսակառույց եկեղեցին

Մուսա լեռան ստորոտին կառուցված եկեղեցին դարձել է լուսանկարիչների և նորապսակների սիրելի վայրերից մեկը։

Էրդողան․ «Զանգեզուրի անցումը մեր ողջ տարածաշրջանի համար խաղաղության նախագիծ է»

Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա: