Սիրիայի քուրդ բնակչությունը կարծում է, որ ամերիկյան բանակն իրենց պաշտպանում է թուրքերից

13:32, 10 Հունվար 2019

Սիրիայի քուրդ բնակչությունը կարծում է, որ ամերիկյան բանակն իրենց պաշտպանում է թուրքերից

Արաբական «Al Jazeera» հեռուստաընկերությունը ռեպորտաժ է պատրաստել Թուրքիայի կողմից Սիրիայի քրդական ուժերի դեմ սպասվող ռազմական գործողության մասին, որն իրարանցում է առաջացրել թուրքական մամուլում: Ինչպես հայտնի է, գործողությունն ընթանալու է Եփրատ գետի արևելյան հատվածում, որը ներառում է Մանբիչ շրջանը:

Բանն այն է, որ արաբական լրատվամիջոցը նյութը պատրաստելու ընթացքում հարցազրույց է վերցրել Մանբիչում բնակվող քուրդ մի բնակչից: Վերջինս հարցազրույցի ընթացքում պնդել է, որ ԱՄՆ-ի զինուժի ներկայությունն է Սիրիայում տեղի քրդերին պաշտպանում թե՛ թուրքական բանակից և թե՛ Սիրիայի կառավարական ուժերից: Դա մեծապես զայրացրել է թուրքական լրատվամիջոցներին, որոնք պնդում են թե Մանբիչի բնակիչը սև քարոզչություն է իրականացնում Թուրքիայի դեմ:

Ըստ քրդերի՝ ամերիկյան զինուժի հեռանալը Սիրիայից կանաչ լույս կվառի թուրքական բանակի առաջ քրդերի դեմ ռազմական գործողություններ սկսելու հարցում: Ինչպես հայտնի է, Թուրքիան Սիրիայի քուրդ զինյալներին համարում է ահաբեկիչներ, իսկ ԱՄՆ-ն՝ ոչ: Վաշինգտոնը քրդական ուժերի հետ համագործակցում է Սիրիայում գործող ծայրահեղական կազմակերպությունների անդամների դեմ պայքարում, ինչն էլ բարկացնում է Անկարային:

Աղբյուր` Haber7

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Թուրքիայում պահանջում են վերականգնել հայկական կիսակառույց եկեղեցին

Մուսա լեռան ստորոտին կառուցված եկեղեցին դարձել է լուսանկարիչների և նորապսակների սիրելի վայրերից մեկը։

Էրդողան․ «Զանգեզուրի անցումը մեր ողջ տարածաշրջանի համար խաղաղության նախագիծ է»

Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա: