Հայտնի է, թե երբ շահագործման կհանձնվեն թուրքական արտադրության առաջին ՀՕՊ համակարգերը

13:19, 08 Հունվար 2019

Հայտնի է, թե երբ շահագործման կհանձնվեն թուրքական արտադրության առաջին ՀՕՊ համակարգերը

Թուրքիայի ռազմարդյունաբերության ղեկավար Իսմայիլ Դեմիրն անդրադարձել է ամերիկյան «F-35» կործանիչների, ռուսական S-400 և ամերիկյան Patriot զենիթահրթիռային ՀՕՊ համակարգերի շուրջ ստեղծված իրավիճակին:

Թուրք պաշտոնյան տեղեկություններ է հայտնել, թե երբ են շահագործման հանձնվելու թուրքական արտադրության առաջին «HISAR-A» և «HISAR-0» զենիթահրթիռային ՀՕՊ համակարգերը, կործանիչները:

Ըստ Դեմիրի՝ թուրքական առաջին ՀՕՊ համակարգերը շահագործման կհանձնվեն 2021թ և 2022թ, իսկ թուրքական արտադրության առաջին կործանիչը՝ 2023թ.-ին:

«Ընդհանուր առմամբ թուրքական արտադրության կործանիչի հետ կապված հիմնարար փոփոխություն չկա: Մենք դրանց շարժիչների վերաբերյալ մի քանի տարբերակներ ունենք: Կան մի քանի ծրագրեր նաև պատրաստի շարժիչների հետ կապված»,-ասել է Դեմիրը:

Անդրադառնալով Patriot համակարգերի վերաբերյալ ԱՄՆ-ի առաջարկին, որի արժեքը կազմում է 3.5մլրդ դոլար, Դեմիրն ասել է.

«Այդ առաջարկն այժմ ուսումնասիրվում է: Այժմ ամերիկյան կողմի հետ խոսում ենք դրանց գնի, տեխնոլոգիաների, մատակարարման և ժամկետների մասին»:

Դեմիրը նաև նշել է, որ թեև Թուրքիան Ռուսաստանից արդեն գնել է ռուսական S-400-ները, այնուամենայնիվ, դրանք լիովին չեն երաշխավորում Թուրքիայի անվտանգությունը:

Աղբյուր` Haberturk