Սիրիայի քրդերի պնդմամբ՝ ռուսական զինուժի ստորաբաժանումներ են մտել Մանբիչ

Տարածաշրջան13:36, 26 Դեկտեմբեր 2018

Սիրիայի քրդերի պնդմամբ՝ ռուսական զինուժի ստորաբաժանումներ են մտել Մանբիչ

Սիրիայի քրդական «Ժողովրդավարական միություն կուսակցության» (ԺՄԿ-PYD) ռազմական կառույցներից մեկի խոսնակ Շերվան Դերվիշը հայտարարել է, թե ռուսական զինուժի որոշ ստորաբաժանումներ մտել են Սիրիայի Մանբիչ քաղաք, որտեղից առաջիկայում պետք է դուրս գան ամերիկացի զինվորները:

Քուրդ պաշտոնյան նշել է, որ այնուամենայնիվ, այս պահին ամերիկացի զինվորները շարունակում են վերահսկել Մանբիչի և Ջերաբլուս շրջանների միջև գոյություն ունեցող շփման գիծը:

Միաժամանակ Դերվիշը տեղեկացրել է, որ ռուս զինվորների հետ միասին Մանբիչ են մտել Սիրիայի կառավարական ուժերի որոշ ներկայացուցիչներ:

Ինչպես հայտնի է, Մանբիչում մեծ թվով քուրդ զինյալներ կան, որոնց դեմ Թուրքիան ծրագրում է առաջիկայում ռազմական գործողություն սկսել: Թուրքիայի գլխավոր նպատակն է քրդերին դուրս մղել Մանբիչից: Ամերիկացի զինվորները Մանբիչում համագործակցում էին քրդական ուժերի հետ «Իսլամական պետություն» ահաբեկչական խմբավորման դեմ: Սակայն Անկարան մտավախություն ունենալով, թե Մանբիչը վերջնական արդյունքում կհանձնվի Սիրիայի քրդական ուժերին, ԱՄՆ-ի հետ բանակցություններ սկսեց՝ քրդերի դուրսբերման վերաբերյալ, որը կարծես պսակվեց հաջողությամբ Անկարայի համար:

Չնայած Վաշինգտոնը պնդում էր, որ այդ համաձայնության արդյունքում քուրդ զինյալները հեռացել են Մանբիչից, բայց որոշ քուրդ զինյալներ դեռ պահպանում են իրենց ներկայությունը Մանբիչում, ինչը մեծապես մտահոգում է Անկարային: Այդ պատճառով էլ Թուրքիան սկսեց սպառնալ Մանբիչում կամ Եփրատ գետի արևելյան հատվածում նոր ռազմական գործողություններով: Թուրքիայի ծրագրերի համար նպաստավոր պայմաններ ստեղծեց Թրամփի այն հայտարարությունը, ըստ որի ամերիկացի զինվորները 3 ամսվա ընթացքում դուրս կգան Սիրիայից:

Տեղեկացնենք, որ Սիրիայի քրդական ուժերի դեմ ռազմական օպերացիան Թուրքիան պատրաստվում է իրականանցնել «Սիրիայի ազատ բանակ» խմբավորման հետ միասին:

Հեղինակ` Էդուարդ Մելքումյան

Աղբյուր` Diken

Այս ենթաբաժնի վերջին նորությունները

15:24, 04 հուլ

Էրդողան. «Կովկասը դառնալու է խաղաղության կենտրոն»

Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։