Իրավական12:38, 26 Դեկտեմբեր 2018
Թուրքիայի պաշտպանության նախարարը դատի է տվել ընդդիմադիր պատգամավորին
Թուրքիայի պաշտպանության նախարար Հուլուսի Աքարը բարոյական փոխհատուցման պահանջով դատական հայց է ներկայացրել ընդդիմադիր «Ժողովրդահանրապետական» կուսակցության (CHP) պատգամավոր Օզգյուր Օզելի դեմ։ Աքարի փաստաբանները հայց են ներկայացրել Անկարայի գլխավոր հանրապետական դատախազություն։
Օզգյուր Օզելը մեղադրվել է Աքարի վերաբերյալ հայտարարություններում «պետական պաշտոնյային հրապարակայնորեն վիրավորելու», «զրպարտության», «թուրք ժողովրդին, Թուրքիայի Հանրապետությունը, պետական կառույցները նսեմացնելու» մեջ։ Թուրք նախարարը Օզելից պահանջել է ոչ միայն 500․000 թուրքական լիրա (շուրջ 96․000 դոլար) փոխհատուցում, այլև պահանջել է, որ վերջինիս արարքը դատարանի կողմից քննադատվի ու այդ որոշումը հրապարակվի ամենամեծ տպաքանակով լույս տեսնող տեղական թերթում։
Նշենք, որ մեջլիսում կայացած բյուջեի քննարկումների ժամանակ Թուրքիայի պաշտպանության նախարար Հուլուսի Աքարի և ԺՀԿ խմբակցության ղեկավար Օզգյուր Օզելի միջև վեճ էր ծագել։ Միջադեպից հետո թեմային անդրադարձած նախագահ Ռեջեփ Թայիփ Էրդողանը հայտարարել էր, որ պատգամավորը իրավունք չունի նման կերպ «հարձակվել» մի պետական պաշտոնյայի վրա, ով ավելի քան 40 տարի աշխատել է զինված ուժերում, իսկ ներկայումս զբաղեցնում է պաշտպանության նախարարի պաշտոնը։
Էդողանի խոսքով՝ նման պահվածքի համար պետք է դատական կարգով պատասխան տալ։ «Մենք ստիպված ենք դրանց անհրաժեշտ դաս տալ դատական ճանապարհով։ Այդպես էլ կանենք։ Նախ փոխհատուցում, հետո՝ պատիժ», - հայտարարել էր Թուրքիայի նախագահը։
Օզգյուր Օզելն էլ արձագանքել էր, որ Էրդողանը դատարան է դիմում այն բոլոր դեպքերում, երբ չի կարողանում դիմացինին լռեցնել կամ տեղի ունեցածը «մարսել»։
«Եթե ուժդ այդքան հերիքում է, ապա հայց ներկայացրու Օզգյուր Օզելի դեմ, եթե ուժդ հերիքում է, բանտարկիր Օզգյուր Օզելին, ԺՀԿ-ին։ Քեզանից չենք վախենում։ Եթե մենք քեզանից վախենանք, Թուրքիան ծնկի կգա։ Բայց մենք էլ ենք կանգուն, Թուրքիան էլ։ Մենք քեզ մարտահրավեր ենք նետում»:
Այս ենթաբաժնի վերջին նորությունները
Թուրքիայի նավահանգիստ այցելող նավերից կպահանջվեն փաստաթղթեր, որոնցում նշված կլինի, որ նրանք ռազմական բեռներ չեն տեղափոխում Իսրայել։
Օզգյուր Օզելը մեղադրվում է Թուրքիայի նախագահին վիրավորելու մեջ:
Միջադեպը տեղի է ունեցել օգոստոսի 11-ին, երբ ընտանիքը վերադառնում էր ճամփորդությունից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մուսա լեռան ստորոտին կառուցված եկեղեցին դարձել է լուսանկարիչների և նորապսակների սիրելի վայրերից մեկը։
Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա:
Ամերիկյան «The National Interest» ամսագիրը վերլուծություն է իրականացրել թուրքական արտադրության «KAAN» կործանիչների վերաբերյալ:
Հունական «Banking News» պարբերականը վերլուծություն է հրապարակել Թուրքիայի դիրքերի ամրապնդման մասին Արևելյան Միջերկրականում:
Նշվում է, որ թուրքերեը վերադառնում են Տրիպոլի և իրականացնում կապույտ հայրենիքի իրենց տեսլականը, այսինքն՝ ընդլայնում Միջերկրական ծովի նկատմամբ վերահսկողությունը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |