Թրամփ.«Էրդողանն այն մարդն է, որը կարող է ոչնչացնել ԻՊ-ի զինյալներին»

Քաղաքական07:32, 24 Դեկտեմբեր 2018

Թրամփ.«Էրդողանն այն մարդն է, որը կարող է ոչնչացնել ԻՊ-ի զինյալներին»

ԱՄՆ նախագահ Դոնալդ Թրամփը Twitter միկրոբլոգում գրառում է արել Սիրիայից ամերիկյան զինուժի դուրսբերման և Թուրքիայի նախագահի հետ ունեցած հեռախոսազրույցի մասին:

«Նախագահ Էրդողանն ինձ կարևոր տեղեկություն փոխանցեց «Իսլամական պետություն» ահաբեկչական խմբավորման` Սիրիայում տեղակայված գրոհայիներին ոչնչացնելու հարցում: Նա այն մարդն է, ով կարող է ոչնչացնել վերջիններիս: Բացի այդ Թուրքիան Սիրայի հարևանն է: Մեր զինվորները տուն են վերադառնում»,- գրել է Թրամփը:

Հիշեցնենք, որ ավելի վաղ Թրամփը հայտարարել էր Էրդողանի հետ հեռախոսազրույցի մանրամասները: ԱՄՆ նախագահը նշել էր, որ Էրդողանի հետ քննարկումը եղել է ԻՊ ահաբեկչական խմբավորման, Սիրիայում համատեղ նախաձեռնության, Սիրիայից ԱՄՆ զորքերի դուրսբերման և երկու երկրների միջև առևտրատնտեսական հարաբերությունների վերաբերյալ:

Իսկ հեռախոսազրույցից մի քանի օր անց Դոնալդ Թրամփը հայտարարել էր Սիրիայից ԱՄՆ-ի զորքերի դուրս բերման մասին:

Պենտագոնի ղեկավար Ջեյմս Մաթիսը ստորագրել էր Սիրիայից ԱՄՆ-ի զինուժի դուրսբերման հրաման, որում նշվում է, թե երբ և ինչպես դուրս կբերվեն զորքերը: Նախատեսվում է, որ զորքերը դուրս կբերվեն առաջիկա շաբաթների ընթացքում:

Նշենք նաև, որ հրամանի ստորագրումից հետո Մաթիսը հրաժարական տվեց:

Աղբյուր` Hurriyet

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։