ERMENI HABER AJANSI

Թուրքիայի վիճակագրական ընկերությունը տվյալներ է հրապարակել այն մասին, թե որ երկրի քաղաքացիները Թուրքիայում որքան անշարժ գույք են ձեռք բերել։

Հրապարակված 20 երկրների ցանկում հաջորդաբար տեղ են գտել Իրաքը, Իրանը, Աֆղանստանը, Ռուսաստանը, Սաուդյան Արաբիան, Քուվեյթը, Գերմանիան, Ադրբեջանը, Հորդանանը, Անգլիան, Պաղեստինը, Եմենը, Լիբիան, Կատարը, Շվեդիան, Լիբանանը, ԱՄՆ-ը, Եգիպտոսը, Ուկրաինան և Ղազախստանը։

2018թ․ նոյեմբերի դրությամբ ցանկի առաջատարը Իրաքն է։ Այս երկրի քաղաքացիները 2017թ․ հունվար – նոյեմբեր ամիսներին Թուրքիայում գնել են 3․387 բնակարան, իսկ 2018թ․ նույն ժամանակահատվածում՝ 7․308 բնակարան։ 2018թ․նոյեմբերին կատարվել է բնակարանի առքուվաճառքի 1․003 գործարք։

Երկրորդ տեղը զբաղեցրած Իրանի քաղաքացիները 2017թ․ 11 ամսում Թուրքիայում ձեռք են բերել 674 բնակարան, 2018թ․ նույն ամիսներին՝ 3․217 բնակարան։ 2018թ․ նոյեմբերին գրանցվել է 463 առքուվաճառքի գործարք։

Աֆղանստանի քաղաքացիների կողմից 2017թ․ հունվար–նոյեմբերին Թուրքիայում գնվել է 976, իսկ 2018թ․ հունվար–նոյեմբերին՝ 1․852 բնակարան։ 2018թ․ նոյեմբերին գրանցված բնարակարանային առքուվաճառքի գործարքների թիվը կազմել է 261։

Ռուսաստանի քաղաքացիները 2017թ․ նշված ամիսներին Թուրքիայում ձեռք են բերել 1․202, իսկ 2018թ․ նույն ժամանակահատվածում՝ 2․040 բնակարան։ 2018թ․ նոյեմբերին Ռուսաստանի քաղաքացիները Թուրքիայում գնել են 261 բնակարան։

Սաուդյան Արաբիայի քաղաքացիները 2017թ․ 11 ամսում գնել են 3․074, 2018թ․ նույն ամսիներին՝ 2․450, իսկ 2018թ․ նոյեմբերին՝ 233 բնակարան։

Ընդհանուր առմամբ 2017թ․ հունվար–նոյեմբեր ժամանակահատվածում այլ երկրների քաղաքացիներ Թուրքիայում գնել են 20․247 բնակարան։ 2018թ․ նույն ամիսներին գնված բնակարանների թիվը կազմել է 35․430։ Իսկ միայն 2018թ․ նոյեմբերին օտարազգիները Թուրքիայում ձեռք են բերել 4․718 բնակարան։