Իրավական14:05, 21 Դեկտեմբեր 2018
«Twitter»-ից գրառումներ ջնջելու պահանջների 73%-ը ստացվել է Թուրքիայից
Թուրքիան կրկին բացարձակ առաջատար է՝ «Twitter»-ից բովանդակություն ջնջելու պահանջների թվով։ Հայտնի սոցիալական հարթակի կողմից հրապարակված տվյալների համաձայն՝ 2018թ․ առաջին կիսամյակում ստացված բոլոր պաշտոնական պահանջների շուրջ 73 տոկոսի հեղինակը եղել է Թուրքիան։
Ընդհանուր առմամբ նշված ժամանակահատվածում աշխարհի 38 երկրից «Twitter»-ը ստացել է 12․000 պաշտոնական հայտ, որոնցից 8․988-ը՝ Թուրքիայից։
Երկրորդ տեղում Ռուսաստանն է, որը ներկայացրել է բովանդակություն ջնջելու 1․641 հայտ։ Իսկ երրորդ տեղը զբաղեցրած Հնդկաստանը ներկայացրել է ընդամենը 246 հայտ։
«Twitter»-ի զեկույցի համաձայն՝ դիմումները ստացվել են այդ երկրների կառավարության տարբեր օղակների, ներառյալ՝ անվտանգության ուժերի կամ անհատներին ու կազմակերպություններին ներկայացնող իրավաբանների կողմից։
Հայտնի է, որ 2018թ․ հունվար–հունիս ամիսներին սոցկայքը բողոքներ է ստացել 135 լրագրողների անձնական էջերի դեմ, որոնց ինքնությունն, ի դեպ, կայքում հաստատված է եղել։ Այդ բողոքների մեծ մասը (90 հայտ) դարձյալ ստացվել է Թուրքիայից։ Նշված անձնական հաշիվներից երկուսը «Twitter»-ը հարկադրված է եղել ջնջել՝ ահաբեկչության դեմ պայքարի մասին օրենքի պահանջով։
2018թ․ առաջին կիսամյակում Թուրքիայից «Twitter»-ին ուղղված հայտերի թիվը նախորդ տարվա համեմատ կրկնապատկվել է։ Այլ երկրներից ստացվող նույնանման պահանջների թիվն աճել է միջինում 38 տոկոսով։
Զեկույցի համաձայն՝ բավարարվել է Թուրքիայի ներակայացրած պահանջների միայն 18 տոկոսը։ Հայտերին տրված դրական պատասխանների թվով Թուրքիան 38 երկրների ցանկում 6-րդն է։
2018թ․ առաջին կիսամյակում Թուրքիան նաև «Twitter»-ից պահանջել է արգելափակել 13․843 օգտատիրոջ անձնական հաշիվները։ Դրանցից արգելափակվել է միայն 425-ը։
Այս ենթաբաժնի վերջին նորությունները
Պաղեստինյան «ՀԱՄԱՍ» խմբավորումը հաղորդագրություն է տարածել Արդարադատության միջազգային դատարան Իսրայելի դեմ հարուցված գործին։
ԵՄ անդամ պետությունը նման քայլի է գնացել` ի պատասխան Թուրքիայի կողմից Օսման Քավալայի և Սելահաթթին Դեմիրթաշի ազատ արձակման մասին եվրադատարանիի որոշումների անտեսմանը։
Դատական գործում մեղադրվում է 108 անձ, որից 24-ը կալանավորված է:Նրանց թվում է նաև քրդամետ ԺԴԿ-ի նախկին համանախագահ Սելահաթթին Դեմիրթաշը:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ըստ Մուրթա Բարդաքչըի՝ հայ և թուրք ժողովուրդների միջև «արյուն» է մտել, իսկ արյունը Արևելքում երբեք չի մոռացվում:
ԱՄՆ ֆինանսների և պետդեպարտամենտի կողմից հայտարարված նոր պատժամիջոցներն ընդհանուր առմամբ ուղղված են մոտ 300 ընկերությունների, անհատների և կազմակերպությունների դեմ:
Սպիտակ տունն օգտագործել է այս միջոցը՝ փորձելով արգելափակել այնպիսի ապրանքների առևտուրը, ինչպիսիք են միկրոչիպերը, որոնք ռուսական արդյունաբերությանն անհրաժեշտ են զենք ստեղծելու համար:
Թուրքիայի արտգործնախարարի հայտարարությունը մեծ արձագանք է գտել համաշխարհային մամուլում։
Թուրքիայի պաշտպանության նախարարը նաև անդրադարձել է Հունաստանի կողմից 5-րդ սերնդի գերժամանակակից F-35 կործանիչներ գնելու վերաբրյալ հարցին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |