Տարածաշրջան08:57, 18 Դեկտեմբեր 2018
Թուրք վերլուծաբան. «Այսքան սպառնացող և վիրավորող նախագահ Թուրքիան դեռ չէր տեսել»
Թուրքական «T24» լրատվական կայքում հոդվածներ հեղինակող Ահմեդ Սևերն անդրադարձել է Թուրքիայի նախագահ Ռեջեփ Թայիփ Էրդողանի կողմից հնչեցված սպառնալից արտահայտություններին և վիրավորանքներին։
Սևերն ընդգծել է, որ Թուրքիայի Հանրապետության պատմության մեջ չի եղել այնպիսի նախագահ, որն իրեն քննադատողներին ու ընդդիմադիր գործիչներին շարունակաբար սպառնա ու վիրավորի այնքան, որքան դա անում է գործող նախագահ Էրդողանը։
Հոդվածագիրը ներկայացրել է Էրդողանի ելույթներից մեջբերված մի քանի օրինակ։
Մասնավորապես վերջերս Դենիզլի քաղաքում ունեցած ելույթի ժամանակ Էրդողանը վիրավորանք և սպառնալիք պարունակող արտահայտություններ է հնչեցրել FOX TV հեռուստաալիքի հաղորդավար Ֆաթիհ Փորթաքալի հասցեին՝ անվանելով նրան անդաստիարակ, իր չափը չիմացող, անամոթ և անբարոյական։
Բացի այդ, ըստ Սևերի, Էրդողանը սպառնում է դատական գործընթացներով։ Նույն ելույթում նա ասել է. «Արդարադատությունը սրան (Ֆաթիհ Փորթաքալին-խմբ.) հարկ եղած պատասխանը կտա»։
Իսկ Քոնիա քաղաքում Էրդողանի հնչեցրած սպառնալիքը հասել է գագաթնակետին։ «Չափդ ճանաչիր, թե չէ այս ազգը ծոծրակդ կպայթեցնի»,-խոսքերով ահաբեկել է վերը նշված հաղորդավարին։
Ահմեդ Սևերը նշում է նաև, որ իրականում հաղորդավար Ֆաթիհ Փորթաքալն անձնապես չի վիրավորել Էրդողանին, այլ ընդամենը ասել է, որ երկրում առկա վախի ու սարսափի պայմաններում ժողովուրդը վախենում է բողոքել անգամ թանկացումներից և այլ արատավոր երևույթներից։
Ըստ թուրք վերլուծաբանի՝ պետական և էդողանամետ լրատվամիջոցները Թուրքիայում կատարվող ամեն ինչ ներկայացնում են միայն դրական շեշտադրումներով։ Իսկ այդ պայմաններում նույնիսկ Էրդողանի կողմնակիցներն իրական լրատվություն ստանալու համար հետևում են այլընտրանքային լրատվամիջոցներին, ինչպիսին է օրինակ FOX TV-ն, որի սեփականատերն ԱՄՆ քաղաքացի է։ Ահա այս հանգամանքն էլ հենց հունից հանում է Էրդողանին։
Այս ենթաբաժնի վերջին նորությունները
Սեյեդ Աբբաս Մուսավի. «Ադրբեջանն ուզում էր բաց ճանապարհ՝ առանց հայկական վերահսկողության, ինչը, բնականաբար, անընդունելի էր»։
Ըստ Քուրթուլմուշի՝ անկասկած է, որ Ադրբեջանի և Հայաստանի միջև կարգավորումը միևնույն ժամանակ վերջ է դրել ԵԱՀԿ Մինսկի խմբի գործունեությանը։
Անտառային հրդեհների հետևանքով տարհանվել է 6 թաղամաս և 5 գյուղ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները:
Ամերիկյան «Global Guardian» թերթը հրապարակել է աշխարհի ամենավտանգավոր երկրների ցանկը:
Ռումինիայի պաշտպանության նախարար Իոնուտ Մոստեանուն կոչ է արել Ռումինիայի, Բուլղարիայի և Թուրքիայի միջև ստեղծված ականազերծման գործադիր խմբի լիազորությունները ընդլայնել:
Թուրքիան կշարունակի պայքարել 1967թ. սահմանների հիման վրա՝ անկախ և ինքնիշխան Պաղեստինի պետության ստեղծման համար:
Թուրքիայի մամուլի ֆեդերացիայի նախագահը ակցիայի ընթացքում նշել է, որ Նեթանյահուն ներկայացրել է «Մեծ Իսրայել» նախագիծը, որտեղ ներառված է նաև Թուրքիայի տարածքը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |