Թուրքիան Սև ծովի ափերին ռազմաբազա կհիմնի

Տարածաշրջան09:40, 11 Դեկտեմբեր 2018

Թուրքիան Սև ծովի ափերին ռազմաբազա կհիմնի

Թուրքիայի ռազմածովային ուժերը մտադիր են Սև ծովի ափերին՝ Տրապիզոն նահանգի Չամբուրնու նավահանգստի մոտ ռազմաբազա հիմնել։

Նախատեսվում է, որ այնտեղ ծառայություն կսկսեն իրականացնել 400 թուրք զինծառայող և 200 տեխնիկական մասնագետ։ Ռազմաբազան զբաղեցնելու է 60քկմ ջրային տարածք։

Թուրքական աղբյուրի դիտարկմամբ՝ նման որոշում կայացվեց այն բանից հետո, երբ ԱՄՆ-ի ղեկավարությունը Սև Ծովի Կերչի նեղուցում առաջացած ռուս-ուկրաինական լարվածությունից հետո պատրաստակամություն էր հայտնել ռազմանավեր ուղարկել սևծովյան ավազան։

Ընդհանուր առմամբ այս պահին Թուրքիայի ռազմածովային ուժերը ունեն 8 բազա, որոնցից 4-ը կառուցված է ծովի վրա։ 8 ռազմաբազայից 2-ը Էգեյան ծովում են, 2-ը՝ Միջերկրական ծովում, մեկական ռազմաբաներ կան Սև և Մարմարա ծովերում, ինչպես նաև Դարդանելի ու Բոսֆորի նեղուցներում։

Հիշեցնենք, որ նախօրեին էլ հայտնի էր դարձել, որ Թուրքիան ռազմածովային ուժերի որոշմամբ Հյուսիսային Կիպրոսի թուրքական ինքնահռչակ հանրապետության ափերին հիմնվելու է ռազմածովային բազա։

Աղբյուր` Milliyet

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։