Քուրդ քաղաքական գործիչ. «Օջալանի կալանավորումից հետո Թուրքիայում ժողովրդավարությունը կողպվեց»

Քաղաքական08:33, 11 Դեկտեմբեր 2018

Քուրդ քաղաքական գործիչ. «Օջալանի կալանավորումից հետո Թուրքիայում ժողովրդավարությունը կողպվեց»

Թուրքիայի ընդդիմադիր քրդամետ «Ժողովուրդների դեմոկրատական կուսակցության» (ԺԴԿ-HDP) համանախագահ Փերվին Բուլդանիը մեջլիսում բյուջեի մասին քննարկումների ժամանակ խոսել է Իմրալը կղզում ցմահ բանտարկված «Քուրդիստանի բանվորական կուսակցության» (ՔԲԿ-PKK) առաջնորդ Աբդուլլահ Օջալանի մասին։

Նշելով, որ Օջալանը Թուրքիայի Իմրալը կղզում 3 տարի շարունակ պահվում է խստացված մեկուսացման մեջ՝ նա ասել է։

«2015թ. ապրիլի 5-ից մինչև այժմ, Օջալանի մասին լուր չի հաջողվում ստանալ։ Օջալանի ընտանիքին և փաստաբաններին թույլտվություն չի տրամադրվում հանդիպել նրա հետ, ինչը իրավունքի խախտում է։ Նրա հետ հանդիպելու բոլոր պահանջները մերժվում են։ Այն ժամանակ, երբ Օջալանը գործում էր, Թուրքիայում խոսվում էր ժողովրդվարության, ազատության, ժողովրդավարական սահմանադրության և խաղաղ արտաքին քաղաքականություն իրականացնելու մասին։ Այն բանից հետո, երբ Իմրալըի դռները փակվեցին, ժողովրդավարությունը Թուրքիայում կողպվեց։ Օրակարգային դարձան արտակարգ դրությունները, ճգնաժամերը, ճնշումները, զոհերը, հեղաշրջումները, անարդարությունները և անօրինականությունները»։

Տեղեկացնենք, որ 1999թ. թուրքական հետախուզության կողմից Քենիայում ձերբակալված, ապա թուրքական դատարանի կողմից ցմահ ազատազրկման դատապարտված Օջալանը պահվում է Մարմարա ծովում գտնվող Իմրալը կղզում կառուցված հատուկ բանտում:

Աղբյուր` Takvim

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։