Իրավական09:19, 11 Դեկտեմբեր 2018
4 տարում Էրդողանին վիրավորելու հիմքով Թուրքիայում ավելի քան 68 հազար հետաքննություն է եղել
Թուրքիայի նախագահ Ռեջեփ Թայիփ Էրդողանին վիրավորելու հիմքով 3 տարվա ընթացքում իրականացվել է 68.817 հետաքննություն: Թեմայի վերաբերյալ վիճակագրական տվյալներ է ներկայացրել թուրք հայտնի իրավաբան, խոսքի ազատության ոլորտում ակտիվ գործունեությամբ հայտնի, դոկտոր պրոֆեսոր Յաման Աքդենիզը: Նա նշել է, որ Թուրքիայի քրեական օրենսգրքի 299-րդ հոդվածը (նախագահին վիրավորելու մասին հոդվածը, որը նախատեսում է 1-4 տարի ազատազրկում-խմբ.) դարձել է ամենահաճախ կիրառվողներից մեկը:
Ըստ Աքդենիզի հրապարակած վիճակագրության՝ 2014-2017թթ. 68.827 մարդու նկատմամբ սկսված հետաքննությունների արդյունքում դատ է բացվել 12.839 քաղաքացու դեմ:
Էրդողանի՝ հանրապետության նախագահի պաշտոնում ընտրվելու առաջին տարում՝ 2014-ին, նախագահին վիրավորելու մեղադրանքով սկսվել է 132 դատավարություն, որն աճել է հաջորդող տարիներին: Այսպես, 2015-ին ընթացել է 953 դատավարություն, 2016-ին՝ 4187, 2017-ին՝ 6033:
Իսկ հետաքննությունների քանակը հետևյալ պատկերն ունի` 2014-ին՝ 682, 2015-ին՝ 7216, 2016-ին՝ 38254 և 2017-ին՝ 20539:
Թուրք հայտնի մասնագետի տվյալներով 4 տարվա ընթացքում տեղի ունեցած 12 հազար դատավարություններից 9234-ի մասով վճիռներ է կայացվել, որոնց շրջանակներում 3414 մարդ դատապարտվել է ազատազրկման, 2550-ի պատիժը հետաձգվել է, 697 մարդ էլ արդարացվել է:
«Համակարգն ամբողջությամբ հիմնված է պատժելու և լռեցնելու վրա: Ամենափոքր քննադատությունն անգամ ավարտվում է դատական գործընթացով: Աշխարհում որևէ տեղ այսպիսի իրավիճակ չկա»,- նկատել է տվել Աքդենիզը:
Այս ենթաբաժնի վերջին նորությունները
Թուրքիայի նավահանգիստ այցելող նավերից կպահանջվեն փաստաթղթեր, որոնցում նշված կլինի, որ նրանք ռազմական բեռներ չեն տեղափոխում Իսրայել։
Օզգյուր Օզելը մեղադրվում է Թուրքիայի նախագահին վիրավորելու մեջ:
Միջադեպը տեղի է ունեցել օգոստոսի 11-ին, երբ ընտանիքը վերադառնում էր ճամփորդությունից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա:
Ամերիկյան «The National Interest» ամսագիրը վերլուծություն է իրականացրել թուրքական արտադրության «KAAN» կործանիչների վերաբերյալ:
Հունական «Banking News» պարբերականը վերլուծություն է հրապարակել Թուրքիայի դիրքերի ամրապնդման մասին Արևելյան Միջերկրականում:
Նշվում է, որ թուրքերեը վերադառնում են Տրիպոլի և իրականացնում կապույտ հայրենիքի իրենց տեսլականը, այսինքն՝ ընդլայնում Միջերկրական ծովի նկատմամբ վերահսկողությունը։
Մոռացված թղթապանակը, որի մեջ եղել են գաղտնի տեղեկություններ, հայտնաբերվել է օդանավակայանի աշխատակիցների կողմից։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |