Տարածաշրջան08:32, 11 Դեկտեմբեր 2018
Բաքու-Թբիլիսի-Կարս երկաթուղու վագոնները Թուրքիան և Ադրբեջանը համատեղ են արտադրելու
Թուրքիայի տրանսպորտի և ենթակառուցվածքների նախարար Մեհմեդ Ջահիթ Թուրհանն Ադրբեջանի մայրաքաղաք Բաքվում հանդիպել է Ադրբեջանի պետական երկաթգծի տնօրեն Ջավիդ Գուրբանովի հետ։
Հանդիպումից հետո կազմակերպված մամուլի ասուլիսում Թուրհանն առանձնահատուկ ընդգծել է Բաքու-Թբիլիսի-Կարս երկաթուղու անխափան աշխատելու և ավելի որակյալ ծառայություն մատուցելու անհրաժեշտությամբ պայմանավորված կատարվող աշխատանքների և քննարկումների կարևորությունը։
Ըստ Թուրքիայի տրանսպորտի և ենթակառուցվածքների նախարարի՝ Ադրբեջանի երկաթգծի տնօրենի հետ նրանք պայմանավորվել են, որ Բաքու-Թբիլիսի-Կարսը ծառայելու է ոչ միայն Ադրբեջանի, Վրաստանի, Թուրքիայի այլ նաև մյուս հարևան երկրների բեռնափոխադրումների համար։
Կողմերը պայմանավորվել են թուրք-ադրբեջանական համատեղ գործարան կառուցելու և այդ գործարանում վագոններ արտադրելու շուրջ:
Նախատեսվում է, որ ներկայումս միայն բեռներ տեղափոխող Բաքու-Թբիլիսի-Կարս երկաթուղին առաջիկա տարիներին կիրականացնի նաև ուղևորափոխադրումներ։
Իրականացվող բեռնափոխադրումները, ըստ թուրք նախարարի, շատ կարևոր են սպառողների համար, քանի որ ազդում են ապրանքների գնագոյացման վրա։
Թուրհանը հայտարարել է, որ նախապատրաստական աշխատանքներ են ընթանում նաև Կարս-Իգդիր-Նախիջևան երկաթուղու կառուցման համար։
Այս ենթաբաժնի վերջին նորությունները
Հրդեհի հետևանքով տուժվել է կենտրոնում գտնվող 17 խանութ:
Շանհայի համագործակցության կազմակերպության գագաթնաժողովի շրջանակում կայացել է Թուրքիայի և ՌԴ նախագահների հանդիպումը։
Միջազգային հետազոտության համաձայն՝ մարդկային գործունեության հետևանքով փոփոխված կլիման 22%-ով ավելի է խստացրել շոգ, չոր և քամոտ պայմանները։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Պատարագի մատուցման նախապատրաստական աշխատանքներն ընթացքի մեջ են։
Սեպտեմբերի 1-ին Թուրքիայի նախագահ Ռեջեփ Թայիփ Էրդողանը ելույթ է ունեցել «Շանհայի համագործակցության կազմակերպության» գագաթնաժողովում:
Հանդիպման ընթացքում քննարկվել են Թուրքիա–Հայաստան հարաբերությունները՝ Հարավային Կովկասում մնայուն կայունության և խաղաղության ուղղությամբ ձեռնարկված քայլերի համատեքստում:
Թուրքիայի նախագահ Ռեջեփ Թայիփ Էրդողանը Չինաստանից վերադարձի ճանապարհին ինքնաթիռում պատասխանել է լրագրողների հարցերին։
Նշենք, որ ԵԱՀԿ նախարարների խորհուրդը որոշում էր կայացրել փակել ԵԱՀԿ Մինսկի խումբը և դրան կից կառույցները:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |