Թուրքական Aselsan-ը և TUSAŞ-ը ռազմարդյունաբերական ընկերությունների 100-յակում են

Ռազմական12:00, 10 Դեկտեմբեր 2018

Թուրքական Aselsan-ը և TUSAŞ-ը ռազմարդյունաբերական ընկերությունների 100-յակում են

2017թ․ Թուրքիան 24 տոկոսով ավելացրել է զենք-զինամթերքի վաճառքը։ Այս մասին հայտնի է դարձել Ստոկհոլմի Խաղաղության միջազգային հետազոտությունների ինստիտուտի (SIPRI) հրապարակած զեկույցից։

Հայտնի է դարձել, որ զենքի համաշխարհային շուկայում առաջատարներն ԱՄՆ-ն ու Ռուսաստանն են։ 2017թ․ զենք արտադրող ամենախոշոր ընկերություններն ընդհանուր 398․2 մլրդ դոլար արժողությամբ զենք ու զինամթերք են վաճառել։ Նախորդ տարվա համեմատ վաճառքի մակարդակն աճել է 2․5 տոկոսով, իսկ 2002թ․ համեմատ՝ 44 տոկոսով։

Թուրքական «Aselsan» և «Ավիացիայի ու տիեզերագնացության արդյունաբերական ընկերությունը» (TUSAŞ/TAI) ընդգրկվել են 100 առաջատար ռազմարդյունաբերական ընկերությունների ցանկում։

Ցանկում տեղ է գտել 42 ամերիկյան ռազմարդյունաբերական ընկերություն, որոնց բաժին է ընկնում զենքի վաճառքի 57 տոկոսը։ Ցանկի առաջին հորիզոնականը զբաղեցրել է ամերիկյան «Lockheed Martin» ընկերությունը, որի զենքի վաճառքի ծավալը կազմել է 44․9 մլրդ դոլար։

Ռուսական ռազմարդյունաբերական ընկերություններին 2017թ․ բաժին է ընկել զենքի վաճառքի ընդհանուր ծավալի 9․5 տոկոսը։ Ռուսական «Almaz-Antey» ընկերությունը առաջին անգամ ընդգրկվել է լավագույն տասնյակում։ Այս ընկերության զենքի վաճառքը ծավալները 2017թ․ աճել են 17 տոկոսով՝ կազմելով 8․6 մլրդ դոլար։

Եվրոպայում զենքի արտադրության և վաճառքի առաջատարը Անգլիան է։ 7 բրիտանական ռազմարդյունաբերական ընկերություն տեղ է գտել առաջատար 100-յակում, իսկ նրանց վաճառքի ընդհանուր ցուցանիշը կազմել է 35․7 մլրդ դոլար։

Աղբյուր` huriyet.com.tr

Այս ենթաբաժնի վերջին նորությունները

16:09, 26 օգոս

Թուրքիան մտադիր է դառնալ աշխարհում 5-րդ սերնդի կործանիչ արտադրող 4-րդ երկիրը

Ամերիկյան «The National Interest» ամսագիրը վերլուծություն է իրականացրել թուրքական արտադրության «KAAN» կործանիչների վերաբերյալ:

15:28, 25 օգոս

Հանդիպել են Թուրքիայի և Լիբիայի ռազմական պատվիրակությունները

Հանդիպումը կայացել է «մեկ Լիբիա, մեկ բանակ» կարգախոսի ներքո իրականացվող համատեղ աշխատանքների շրջանակներում։

16:11, 20 օգոս

Թուրքիան և Ճապոնիան մտադիր են խորացնել ռազմական համագործակցությունը

Թուրքիայի ՊՆ ղեկավարն Անկարայում հանդիպում է ունեցել իր ճապոնացի պաշտոնակցի հետ։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Թուրքիայում պահանջում են վերականգնել հայկական կիսակառույց եկեղեցին

Մուսա լեռան ստորոտին կառուցված եկեղեցին դարձել է լուսանկարիչների և նորապսակների սիրելի վայրերից մեկը։

Էրդողան․ «Զանգեզուրի անցումը մեր ողջ տարածաշրջանի համար խաղաղության նախագիծ է»

Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա: